Sidra Cabueñes

Naide sabe a ciencia cierta cuándo empezó a ellaborase y consumise sidra natural n’Asturies. Mientres sieglos, los asturianos fueron perfeccionando un caldu que se convirtió en parte de lo que somos. La sidra ye la bébora por antonomasia d’Asturies y nun hai celebración que s’aprecie na que nun tea presente. Anque chigres y sidreríes tán zarraos, nun hai torgues a la hora de siguir esfrutando de la sidra natural. Qué meyor qu’unos culetes pa sobrellevar el confinamientu. La sidra nun ye namás una opción pa quitar la sede, sinón tamién toa una alternativa a la de cocinar.

La sidra natural de Sidra Cabueñes ellabórase con mazanes asturianes recoyíes, principalmente, en finques de Xixón y Villaviciosa. La hestoria d’esti llagar remóntase un sieglu tras, anque nun foi hasta va unos años cuando se tresformó no que ye anguaño. N’actualidá producen hasta 440.000 llitros de sidra de dos palos: Cabueñes, sidra natural tradicional y, Cabueñes DOP, sidra con denominación d’orixe protexida. La calidá de los sos caldos valió-yos delles reconocencies nos concursos de sidra más prestixosos del país, como los de Nava y Villaviciosa. Nesti tiempu, llevaron la innovación hasta la colorida etiqueta, reconocida como ‘la más guapina’ na XVII Fiesta de la sidra natural de Xixón.

Pa que’l confinamientu nun nos quite d’esfrutar d’unos culetes, Sidra Cabueñes punxo en marcha un serviciu de repartida a casa p’averate la sidra hasta la puerta de casa. Serviciu que se va caltener cuando pase la crisis sanitaria. Pueden realizase pidíos por caxes de doce botelles caúna. Realicen unviaes a toa España. Pa más información y pidíos, pues ponete en contactu con Sidra Cabueñes llamando per teléfonu al 669 86 05 98.