La to compra en casa en 24 hores

Mencía Hostelería llanzar un serviciu a casa con entrega en 24 hores disponible en Xixón pa particulares d'alimentación y productos de llimpieza

Mencía Hostelería

Anovase o morrer. L’actual crisis sanitaria de la Covid-19 camudó por completu’l nuesu día a día. La declaración del Estáu d’Alarma en tol país traxo’l zarru de comercios, chigres y restoranes. Munchos d’estos negocios reinventáronse pa poder siguir ufiertando los sos servicios a los sos veceros. Unu d’ellos ye Mencía Hostelería. La empresa de distribución mayorista d’alimentación, que desenvuelve los sos servicios pa los sectores d’hostelería, residencies de mayores, hospitales y colexos, ente otros, tresformóse pa curiar de toos nós nun momentu tan delicáu como esti.

P’apurrir el so granín d’arena a la sociedá nesta situación que nos tocó vivir diéron-y la vuelta al so modelu de negociu. Por esi motivu, acaben de llanzar un serviciu a casa con entrega en 24 hores. Esta opción ta disponible en Xixón pa particulares d’alimentación y productos de llimpieza. Nun momentu nel que los servicios de venta a casa d’alimentación tán enchíos, con demorances de más d’una selmana na entrega, la empresa pon el so serviciu loxísticu a disposición del particular. L’oxetivu de que naide se quede ensin productos básicos mientres esti períodu de confinamientu.

Mencía Hostelería
Instalaciones de Mencía Hostelería nel polígonu de Roces, en Xixón.

El catálogu de productos cunta con una gran variedá marques d’alimentación pa que nun te falte de nada mientres estos díes de confinamientu. Amás, cunten con un ampliu catálogu de vinos y bébores alcohóliques. Pa faer un pidíu basta con llamar al 985 16 73 36 de llunes a vienres n’horariu de 8 a 14 hores o unviar un corréu electrónicu a angelmenciahosteleria@gmail.com cola to llista de compra. La unviada ye gratuita pa pidíos de más de 50 euros y tien un costu de 6 euros pal restu de pidíos.