La Polla Records, cabeza de cartel de Tsunami Xixón

La banda alavesa va ser el platu fuerte del festival, que se va celebrar del 30 de xunetu al 1 d'agostu

Tsunami Xixón 2020 yá tien cabeza de cartelu. La Polla Records va ser el platu fuerte del festival, que se va celebrar del 30 de xunetu al 1 d’agostu. La banda nació en Agurain en 1979 y ta considerada una de les más importantes na hestoria del punk-rock del país. Ta compuesta por Evaristo (voz), Sume (guitarra), Txiki (guitarra), Abel (baxu) y Tripi (batería).

La nueva edición del certame torna con novedaes. El festival va ampliar la so duración en 2020. Van ser trés díes de fiesta cola meyor música. Los abonos van salir a la venta’l 17 d’avientu, namás un día depués de que se conoza’l cartelu al completu, del que yá se conocen nomes como’l de la banda sueca Refused, Desakato, Airbourne, Anti-Flag, Strike Anywhere y The Flatliners.