Fernando Alonso
Fernando Alonso.

El pilotu uvieín Fernando Alonso foi escoyíu Meyor deportista asturianu de 2019 pola Asociación de la Prensa Deportiva del Principáu. La organización promueve y falla los gallardones del deporte asturianu en collaboración cola Dirección Xeneral de Deporte. Alonso, campeón del mundu de Resistencia l’añu pasáu tres ganar les pruebes de Daytona, Sebring, Spa y Le Mans, superó nes votaciones a la vencedora de la Copa d’España de ciclocross en 2019, Aida Nuño, y al xugador d’ḥoquei sobre patinos Toni Pérez, quien l’añu pasáu llogró la medaya de bronce cola selección española nel mundial y foi campeón d’Europa de clubes.

El xuráu valoró les victories de Fernando Alonso nes 24 hores de Daytona, les 1.000 milles de Sebring, les 6 hores de Spa y les 24 de Le Mans, que-y dieron el Campeonatu del Mundu de Resistencia. L’asturianu ye l’únicu pilotu de la historia que ganó en Mónaco, Le Mans y Daytona.

Aida Nuño foi la ganadora de la Copa d’España 2019 y ye la única ciclista con siete Campeonatos d’España. Amás, ta considerada la meyor corredora de ciclocross de la historia. Pela so parte, el xugador d’h.oquei sobre patinos Toni Pérez llogró l’añu pasáu la medaya de bronce cola selección española nel mundial y la Copa d’Europa col so club actual, el Sporting de Portugal. Pérez ye campeón de tolos torneos a nivel de clubes y selecciones d’h.oquei sobre patinos.