Nestos tiempos de confinamientu proponémosvos trayer la cocina quirosana a les vueses cases. ¿Qué vos paez conocer los platos típicos d’esta zona d’Asturies?

Ensin dulda el platu estrella ye’l pote quirosanu (de berces con compangu), les fabes, los asaos de cabritu, de corzu y de xabalín o les calderetes de corderu y de cabritu ¿Yá táis naguando?Pues vais quedar ablucaos con unu de los platos, pa nós estrella, les fabes con xabalín, ensin dulda un manxar que tenéis que prebar.

Estos platos van acompañaos con un deliciosu pan d’escanda y colos peculiares quesos de bota o de vexiga, quesos fechos cola pelleya de corderu o d’una cabra enllenos de lleche de vaca. Pa facelo dexen formentar el lleche na pelleya colgada al calor de la lleña hasta que quede duro y el so conteníu mengüe más de la metá.

En pasando esti andanciu recomendámosvos conocer el conceyu de Quirós y sobremanera la so gastronomía. De xuru que nun vais quedar con fame.