Arde Lvcvs Xixón

Les hamburgueses tán más de moda que nunca. Y anque’l so orixe podría tar na mesma Alemaña, lo cierto ye que les hamburgueses, tal que les conocemos anguaño, son el productu más internacional de la gastronomía estadounidense. De xata, de pollu, rellenes, vexetarianes… Hai de tolos tipos. Y n’Asturies ficímosles nuestres.

Tanto ye asina qu’una de les meyores hamburgueses del país cómese en Xixón. Una de les creaciones de la cervecería Arde Lvcvs fízose col títulu a la meyor hamburguesa d’Asturies. Una esplosiva combinación de 200 gramos de xata y doble carne de pulled pork bbq sirvida en pan rústicu acabante d’enfornar. Con llechuga, tomate, cebolla morada, quesos cheddar y crema de cabra president, y un toque de chispa con jalapeños y cebolla caramelizada. Y cómo non, acompañada de patates frites. Un auténticu manxar que se coló como la tercer opción más votada pol xuráu popular nel I Concursu Nacional d’Hamburgueses.

La carta d’Arde Lvcvs inclúi una amplia variedá d’hamburgueses aptes pa tolos gustos. Un total de 17 hamburgueses pa tolos públicos. Hai de xata y de pollu, amás d’una opción pa vexetarianos a base de berenxenes acompañada con llechuga, tomate, pepinu, cenahoria, cebolla caramelizada y quesu. Pa los más esixentes, tamién esiste la opción de diseñar una hamburguesa a midida, escoyendo dende’l pan y la carne a la guarnición.

Pero na cocina d’Arde Lvcvs nun hai namás hamburgueses. Tamién s’ellaboren otros platos colos qu’enllenar l’estómagu. Ufierten hasta cuatro versiones d’otru de los platos más icónicos de la cocina norteamericana: los perrinos calientes. Amás, puede escoyese ente costielles, alines, aros de cebolla y, cómo non, cachopinos. Hasta siete versiones distintes de cachopu ente les que non falta una opción vegana. El toque dulce pónenlu los postres caseros: tarta de quesu, arroz con lleche, tres chocolates, turrón, galleta y Oreo.

Mientres esti confinamientu, Arde Lvcvs avérate lo meyor de la so cocina. La carta ta disponible na so páxina de Facebook y en Instagram (ardelucusgijon). Puedes realizar los tos pidíos llamando a el 984 490 325, al traviés de la app Ardelucusgijon disponible pa dispositivos Android y en Just Eat y Deliveroo.