Yá ta na cai un nuevu númberu de la revista Viaxast

La revista Viaxast, editada como plataforma en papel de Conocer Asturies, distribúise per centros de turismu y cultura de tol país y sal a la cai de forma trimestral.

La cabera d’esti añu, la del mes de payares, ta yá na cai con dellos conteníos bien interesantes qu’afonde na cultural, l’ociu, la hestoria y el turismu n’Asturies dende un puntu de vista divulgativu.

Nel númberu 5, que s’abre con una imaxe perguapa del pueblu de Banduxu, al que se-y dedica un artículu nel interior, tien tamién reportaxes sobre los conceyos de Tinéu, Mieres, Xixón, Llaviana o Castrillón, ente otros.

Amás, esti númberu trai reportaxes culturales como’l dedicáu a los grupos de teatru qu’usen l’asturianu, el llibru Les Fartures, de David de Castañón, o una entrevista a Xosé Ambás. Esti númberu inclúi tamién un especial sobre les tradiciones del Nadal n’Asturies.

La revista pue atopase en papel o consultase y descargase en formatu dixital, equí: