Xuan Xosé Sánchez Vicente: «El meyor chigre ye’l que tien bona sidra»

CONOCER ASTURIES CON… XUAN XOSÉ SÁNCHEZ VICENTE

Xuan Xosé Sánchez Vicente ñació en Xixón en 1949 ye políticu, escritor y ensayista. Presidente y fundador del Partíu Asturianista y miembru de l’Academia de la Llingua Asturiana, la so obra abarca tolos ámbitos lliterarios, lo que lu convierten nunu de los escritores ya investigadores de mayor importancia na lliteratura asturiana d’anguaño. Con él siguimos conociendo Asturies una selmana más.

Un llugar pa perdese una fin de selmana… Un pedreru (¡güeyu coles marees!).

Un llugar pa vivir… Xixón.

Un platu… Fabes con pulpu.

Un postre… El más llambión.

Una sablera pa pasar el día… Quiero más «nun moyame» (rises).

Un pueblín que nun podemos dexar de ver… Llastres.

Un chigre pa tomar unos culinos… El que tenga bona sidre, pocu ruíu, bonos veceros, un chigreru atentu y educáu.

Un parque natural pa visitar… Picos.

Una fiesta a la que nun faltar… Yá nun ta l’alcacer pa zamploñes.

Un muséu pa recomendar… El de Belles Artes d’Asturies.

Un momentu de la hestoria que te prestaría vivir… El de la cooficialidá.

Un baille pa pasalo bien… Remítome a la respuesta de la fiesta (rises).

Una pallabra n’asturianu que te preste… Prestar.

Una tradición que nun pue perdese… La d’atropar arcinos.

Una espresión n’asturianu… El que pa probe ta apuntáu, lo mesmo-y da correr que tar paráu.