Xosé Ambás: “Préstame la pallabra “Sambre”, porque la sentí de la boca de bulita y polo que significa”

Un llugar pa perdese… Os Ozcos.

Un llugar pa vivir… Cerquina d’Uviéu y guapu guapu… Los conceyos de Proaza y Santu Adrianu.

Un platu… Los buchos de Cuideiru preparaos na sidrería El Remo.

Un postre… La barreña de Grau.

Una sablera impresionante… La Ribera Vallina n’Ouviñana, Cuideiru.

Un pueblín pa ver… Baselgas, en conceyu Grau.

Un chigre… El Chicote de Cangas pa tomar unos cachadinos de vinu’l País y La Ballera en Villaviciosa pa unes botelles de sidre.

Un parque natural… Somiedu.

Una fiesta pa nun perder… La Cincuesma de Pueyes y Arbazal en Villaviciosa.

Un muséu… L’Etnográficu de Porrúa, en conceyu Llanes.

Un momentu de la hestoria que quixere vivir… Poder tar nel Filandón de Monesteriu d’Hermu del cuadru d’Álvarez Català que ta nel Muséu Belles Artes d’Uviéu.

Un baille… Cualesquier Nueche en Danza de la ivernada, la de La Nueva de les más guapes.

N’asturianu préstame… “Sambre”, porque ye pallabra que sentí de la boca de bulita.… y polo que significa.

Un tradición pa caltener viva… Os Reises d’El Valledor nel Occidente y Las h.ogueras nos pueblos del Oriente que les conserven.