Llega la 9ª edición de “Xixón de Sidra 2017”, na que participen 45 sidreríes xixoneses y 44 llagares de toa Asturies. La cita va ser del xueves 5 al domingu 15 d’ochobre.

Gijón de Sidra 2016
Semeya: Conocer Asturies

Nesti 9º alcuentru podemos conocer a xeitu el procesu y comercialización de la sidra.

N’Asturies, esfrutamos d’esta bébora por tradición, pero la sidra ta teniendo una gran proyección internacional gracies a les sos grandes característiques

En “Xixón de Sidra” participen llagares de toa Asturies que s’hermanen coles sidreríes de la ciudá. Mientres estos 11 díes, cada sidrería ufierta una botella de la sidra acoyida pol establecimientu y una cazuelina o ración de creación propia a bon preciu mientres esfrutamos de tradicionales cancios de chigre.

Nun va faltar el Sidrobús, que va percorrer la ciudá faciendo paraes en puntos estratéxicos asitiaos cerca de les sidreríes. Para xubir al Sidrobus tan solo ye necesariu consiguir el pañuelu oficial de “Xixón de Sidra 2017” que s’apurre col consumu d’una botella de sidra y una cazuelina.

Anguaño incorpórase a l’axenda de “Xixón de Sidra uno nueva actividá: Charlas de Chigre. Estos interesantes alderiques van sirvir para tratar distintes temes nes sidreríes paritcipantes, y van realizase en determinaos díes mientres la celebración del eventu.

Nun va faltar el Sidromapa, el nuesu meyor aliáu, consiste n’una guía que nos indica les sidreríes participantes (localización, horariu, díes de zarru, cazuelina…) xuntu col so llagar hermanáu con un planu de la ciudá ónde tán señalaes y la ruta del Sidrobús: paraes, horarios  y un mapa d’Asturies, nel que podemos ver la localización de los llagares.

¡TOMA NOTA!

Qué: “Xixón de Sidra”

Cuando: Del 5 al 15 de ochobre

Ónde: Sidreríes de Xixón.

Tags: