Xixón Motoweekend entama una Scooter Day

La ruta va pasar por delles de les carreteres con más encantu d'Asturies y va pasar polos conceyos de Xixón, Villaviciosa y Tazones
La quinta edición del festival Xixón Motoweekend va celebrar per primer vegada la marcha 'Scooter Day'

La quinta edición del festival Xixón Motoweekend va celebrar per primer vegada la marcha ‘Scooter Day‘, un percorríu organizáu de 60 kilómetros pa scooters de toles cilindraes. La ruta, que va partir el domingu 9 de xunu dende la recintu Ferial Luis Adaro, va pasar por delles de les carreteres con más encantu d’Asturies y va pasar polos conceyos de Xixón, Villaviciosa y Tazones. La marcha realizó una convocatoria nacional y espérase que s’alleguen motoclubs de toa España.

L’eventu naz pa convertir Xixón nun puntu d’alcuentru pa tolos amantes d’esti tipu de motocicletes. Asina, espérase que vespes, lambrettas y otres scooters provenientes de toa España s’alleguen a la cita. Los asistentes van esfrutar d’una amena xornada que los sos oxetivos principales nun son otros qu’ufiertar un viaxe memorable y procurar l’intercambiu d’esperiencies.

‘Scooter Day’ pretende ser muncho más qu’una concentración de scooters. Amás de la marcha, los participantes van poder esfrutar del restu d’actividaes de Xixón Motoweekend. Conciertos, novedaes del salón de la moto y numberosos espectáculos acrobáticos son dalgunes de les propuestes. Va haber dos tipos d’inscripciones. La primera, con un costu de 10 euros va incluyir una bolsa de bienvenida y l’entrada de acceso Xixón Motoweekend. La segunda, por 20 euros, va incluyir amás de la entrada y de la bolsa, la comida.

Tags: