in

Vuelve’l ciclu de visites guiaes CaleyAvilés

Vuelve'l ciclu de visites guiaes por Avilés CaleyAvilés
Vuelve'l ciclu de visites guiaes por Avilés CaleyAvilés

Vuelven les visites guiaes n’asturianu por Avilés. El cascu históricu, los parques de Ferrera y La Madalena y el cementeriu de La Carriona van protagonizar esti nuevu ciclu de visites guiaes CaleyAvilés entamáu pola Estaya de la Llingua del Conceyu d’Avilés. Los participantes van poder conocer tolos secretos d’estos entornos naturales y urbanos de la villa. Les visites son siempre un vienres, ún al mes, ente xunu y setiembre. Toles visites guiaes son de baldre. Recomiéndase llevar calzáu cómodu.

El númberu de places pa caúna de les visites ye de 25 persones. Los neños tendrán de dir siempres en compañía d’una persona adulta. Pa participar ye necesario apuntase llamando al teléfonu 985 565 512, unviando un corréu llectrónicu a estayallingua@aviles.es o presencialmente na oficina de la Estaya de la Llingua, asitiada na primer planta de la Casa Municipal de Cultura d’Avilés (plaza de Domingo Álvarez Acebal, 2).

Calendariu de les visites

Vienres, 28 de xunu

Visita guiada pel parque de Ferrera

Hora: 19:00

El puntu d’alcuentru sedrá l’edificiu de La Noria, que ta dientro’l parque.

La bióloga Ángeles Rodríguez Tuñón de la empresa Trebeyos C.B. esplicará cultura y creyencies alredor de los árboles más emblemáticos de la historia d’Asturies: carbayos, castañales o texos, ente otros.

Vienres, 19 de xunetu

Visita guiada pel parque de La Madalena.

Hora: 19:00

El puntu d’alcuentru sedrá la entrada del parque que ta apegada al colexu Enrique Alonso.

La bióloga Ángeles Rodríguez Tuñón de la empresa Trebeyos C.B. esplicará cultura y creyencies alredor de los árboles más emblemáticos de la historia d’Asturies: carbayos, castañales o texos, ente otros.

Vienres, 2 d’agostu

Visita guiada pel cascu históricu d’Avilés, descubriendo la historia d’una ciudá milenaria, per aciu de los sos monumentos, incluyendo la capiella de Las Alas. A esta capiella funeraria del sieglu XIV  nomáronla Bien d’Interés Cultural (BIC) nel añu 1991.

Hora: 19:00

El puntu d’alcuentru  va ser delantre la Casa Conceyu, na Plaza  España

L’actividá va correr a cargu de Denis Soria Fernández, guía oficial del Principáu d’Asturies.

Vienres, 6 de setiembre

Vista guiada pel cementeriu  La Carriona y el barriu de Miranda. El cementeriu ye un espaciu creáu a lo último del sieglu XIX. El so arquiteutu foi Ricardo Marcos Bausá. Tien muncha importancia histórico-artística y por eso ta dientro l’ASCE (Association of Significant Cementeries in Europe).

El barriu de Miranda ye l’orixe de la cerámica negro, del llinguax del Bron de los caldereros y de personaxes ilustres que se cree pudieron nacer ellí o vivir, como Carreño Miranda o Alejandro Casona.

Hora: 19:00

El puntu d’alcuentru ye la entrada principal del cementeriu.

L’actividá va correr a cargu de Denis Soria Fernández, guía oficial del Principáu d’Asturies.

Juanes, Andrés Calamaro, Beret y Camela, nel festival Metrópoli más sostenible

Juanes, Andrés Calamaro, Beret y Camela, nel Metrópoli más sostenible

José Sacristán torna a Avilés con 'Señora de rojo sobre fondo gris'

José Sacristán torna a Avilés con ‘Señora de rojo sobre fondo gris’