in

La cueva de Lluera reabre al públicu hasta’l 26 de setiembre

La cueva de Lluera reabre al públicu hasta'l 26 de setiembre
La cueva de Lluera reabre al públicu hasta'l 26 de setiembre

El Gobiernu asturianu reabre al públicu hasta’l 26 de setiembre la cueva de Lluera, n’Uviéu. Va poder visitase de miércoles a domingu, de 10:00 a 16:00 hores. Guíes dependientes de la Dirección Xeneral de Patrimoniu Cultural van encargase de xestionar les reserves y dirixir les rutes pel xacimientu de Priorio, un enclave caracterizáu por unes condiciones d’accesu complicaes y males d’atopar. El sistema de visites va realizase namás con reserva telefónica previa al númberu 674800385, n’horariu de 15:00 a 17:00 hores.

El conxuntu de grabaos esteriores de Lluera ye’l más importante de los conocíos nel valle mediu del Nalón y ta consideráu de primer nivel nel conxuntu del arte rupestre paleolíticu cantábricu. El xacimientu destaca pola so cantidá tan grande de grabaos, la so calidá y la técnica con que se fixeron. Lluera tien un antepar que s’abre en dos galeríes; la de la esquierda contién un gran númberu de grabaos en dambes parés y la de la derecha ye la zona de más espesura del xacimientu, anque nun se toparon grabaos nella. Unos 50 metros ríu arriba, atópase un pasadizu natural escontra l’interior de la cueva, lo que güei se conoz como Lluera II, onde tamién s’alcuentren muestres importantes d’arte rupestre compuestes por grabaos.

'Sidra en vena' nel teatru Xovellanos

‘Sidra en vena’, comedia astur-pop en Xixón

Tresona acueye esti domingu'l III Triathlón Festival ParqueAstur

Tresona acueye esti domingu’l III Triathlón Festival ParqueAstur