Villaviciosa pon en marcha’l bus-sablera a Rodiles

El servicio ye gratuitu pa los menores de 8 años y pa les persones con discapacidá
Villaviciosa pon en marcha'l bus-sablera a Rodiles

La compañía ALSA empezó a emprestar el serviciu ampliáu col bus-danzadera a la sablera de Rodiles dende’l 12 de xunetu hasta’l 15 de setiembre. Va ser el tercer añu nel que se ponga en marcha esti serviciu, doblando les frecuencies de la llínea regular, en virtú del alcuerdu ente’l Conceyu de Villaviciosa y el Consorciu de Tresportes (CTA). El vehículu va ser accesible pa persones con discapacidá, que van tener gratuidá nel serviciu.

Los oxetivos d’esti serviciu son promover l’usu del tresporte públicu a la sablera y la promoción turística. La llínea regular Uviéu-Villaviciosa, con estensión a Rodiles pel branu, empezó a ufiertar los servicios ordinarios el pasáu 1 de xunetu. Estos viaxes van vese ampliaos col bus-danzadera dende’l próximu 12 de xunetu hasta’l 15 de setiembre.

El serviciu va ufrise dende la villa a la sablera de Rodiles, col autobús danzadera dende la capital del conceyu hasta dichu arenal. Esti serviciu tien un preciu de 1,55 euros per sentíu, pudiendo usar tamién los bonos de la tarxeta CTA de billete únicu (0,90 euros). Va ser gratuitu pa los menores de 8 años y pa les persones con discapacidá. Programáronse una docena de salíes y tornes a Villaviciosa, tolos díes de la selmana, dende les 10:35 h. hasta les 20:00 h.

Tags: