El Domingu de Sidros y Comedies celébrase’l primer domingu dempués de la festividá de Reis (esti añu 2019, el 13 de xineru) na parroquia asturiana de Valdesoto, nel conceyu de Siero.

Ye una de les primeres mazcaraes d’iviernu del norte peninsular. Estes mazcaraes d’Iviernu como se-yos conoz n’Asturies, son unes manifestaciones culturales que se celebren nun periodu entendíu ente’l Nadal y l’Antroxu. D’esta tradición, d’orixe paganu, desconozse’l so orixe concretu, anque ta venceyada a los ritos de pasu y cambiu estacional.

Sidros Valdesoto

Los Sidros -suelen ser cuatro- son los personaxes que más llamen l’atención. Visten de blancu, con una mázcara de piel d’oveya en forma de cucuruchu que termina con un rabu de raposu. Na cintura lleven un cintu con llueques que sirven p’avisar de la llegada de la comedia.

Los Tontos de la comedia
Los Tontos de la comedia
El ciego y el criado
El ciegu y el criáu

La comedia ye xuna pequeña representación teatral que trata distintos temes d’actualidá del pueblu, d’Asturies o del restu del mundu. Los personaxes polos que ta formada son: el vieyu y la vieya, dos dames, dos galanes, dos tontos, el ciegu y el criáu y un diañu.

El vieyu y la vieya
El vieyu y la vieya
Los Galanes
Los Galanes
El diablo
El diañu

En Valdesoto axúntense cada Domingu de Sidros y Comedies más d’un centenar de persones pa ver esta mazcarada que l’Asociación pola recuperación de los Sidros y les Comedies “El Cencerru” de Valdesoto, recuperó nel añu 2005.

Amás, cada añu ente los meses de febreru-marzu, celébrense les Xornaes de Mazcaraes d’Iviernu. Estes xornaes suelen durar trés díes, y nelles hai espaciu pa les representaciones y les conferencies.

Xornaes

Tags: