Uviéu, nel ‘top 10’ de ciudaes pa visitar en familia

La ciudá asítiase nel séptimu puestu d'un ránking qu'encabeza Donostia, siguida de Granada, Santander, Alicante, Córdoba y Cádiz

0
15

Uviéu ye una de les meyores ciudaes d’España para viaxar con neños. Asina lo pon de manifiestu un estudiu realizáu pol buscador Holidu, que destaca que la capital asturiana ye un destín llenu de diversión para los pequeños ensin faer grandes coles. La ciudá asítiase nel séptimu puestu d’un ránking qu’encabeza Donostia, siguida de Granada, Santander, Alicante, Córdoba y Cádiz.

La ciudá asturiana consigue una puntuación de 6,46 sobro 10. Uviéu tien enforma qu’ufiertar a les families viaxeres sobremanera cuando se fala d’agospiamientu, con un 31,48% de propiedaes que-yos abren les puertes. L’informe destaca amás el parque zoolóxicu El Bosque  como una de les visites imprescindibles y encamienta los clásicos de la repostería uvieina como les moscovitas y los carbayones. Eso sí, diz l’estudiu que la ciudá anda escasa en materia de xeladeríes, siendo la que menor densidá ufierta de toa España (0.27 por cada 10.000 habitantes).