in

Una fiesta pa nun escaecer a Los Vaqueiros

Los vaqueiros fueron y son un grupu étnicu cultural d’Asturies con unos oríxines ancestrales. Los vaqueiros yeran ganaderos treshumantes, nómades, que vivían nes brañes mientres los meses de branu, y tornaben a los valles al empiezu del iviernu. Rellacionábense ente ellos, marxinaos pol restu de la sociedá y creando asina una cultura y un folclor bien singular.

Col pasu del tiempu’l númberu de vaqueiros foi menguando hasta quedar un númberu bien amenorgáu. Por ello, la última fin de selmana de xunetu celébrase añu tres añu la fiesta vaqueira na Braña d’Aristebanu, un homenaxe a esta peculiar manera de vida.

La Braña d’Aristébanu ta asitiada ente los conceyos de Tineu y Valdés, y ye ellí onde se representa la celebración del casoriu típicu vaqueiru. La pareya de novios llega montada a caballu y acompañada de gües que tiren de les pertenencies que regalen al matrimoniu. Toes elles representen valores como la capacidá adquisitiva o la fecundidá.

La empanada, el choscu o la sidra son tamién protagonistes nesti actu, nel qu’al son de gaites, tambores, pandeiros y payel.las, créase un ambiente interesante y bien animáu que ye visitáu per cientos de persones cada añu.

Magar q’agora son un grupu social que xenera interés turísticu y cultural, nun va munchos, nes ilesies, los vaqueiros nun podíen siquiera ponese onde s’asitiaben los demás feligreses.

paragües

Fin de selmana pasáu per agua

Estrella Morente ufre n'Avilés l'únicu conciertu n'Asturies de la so xira 'Copla'

Estrella Morente ufre n’Avilés l’únicu conciertu n’Asturies de la so xira ‘Copla’