Asturies quier convertir la so bandera nun emoji. La iniciativa, que nació de manera espontánea en Twitter, quier llevar l’asturina a los teclaos de los smartphones. Lo que pel momento ye tan namás una campaña de sofitu nes redes sociales podría ser mas qu’una posibilidá. L’alderique surde en plena campaña de la bretaña para llevar la so bandera a los teclaos de los móviles.

L’emoji cola bandera de la rexón francesa yá puede utilizase en Twitter, anque namás hasta’l próximu 9 de febreru. La rexón treslladó’l pidimientu al consorciu Unicode. Los promotores de la iniciativa recuerden qu’hai 12 territorios en Francia como, por casu, Guadalupe, San Pedro y Miquelón, Tierra Australes Franceses, que yá cunten colos sos propios emojis. Tamién trés de les naciones que conformen Reinu Xuníu cunten dende 2016 con una versión virtual de les sos enseñes.

Nun ye la primer vegada qu’una iniciativa popular quier asturianizar el llistáu de emojis disponibles. La propuesta pa incluyir un emoticonu de la sidra asturiano nun llegó a materializase. Pel momento. Una recoyida de firmes consiguió’l sofitu de más de 15.000 usuarios para llevar la bébora tradicional al catálogu de emojis disponibles nos teclaos de teléfonos móviles y redes sociales.