in

Scone, cerveces artesanes pa tolos gustos

Scone, cerveces artesanes pa tolos gustos
Scone, cerveces artesanes pa tolos gustos

Cerveza artesano con materies primes de primera calidá, ensin aditivos nin estractos. Ye la premisa so la que nació Cerveza Scone. Agora, que tán a puntu de celebrar el so segundu aniversariu con fábrica propia en Xixón repiten con estand propiu na Feria Internacional de Muestres d’Asturies y una variedá de cerveces que se ganaron un llugar ente los meyores de too el país. De capital íntegramente asturianu, la firma toma’l so nome de la piedra Scone, un bloque d’arenisca utilizáu nes coronaciones de los reis escoceses. Anguaño, la piedra atópase nel castiellu d’Edimburgu y ta previsto que torne a Inglaterra cuando se corone a un nuevu rei. La so hestoria empezó muncho tiempu atras. La lleenda cunta que sirvió d’inspiración sagrada pa Jacob, quien al apoyar la cabeza sobre ella nel pasaxe de la Xénesis suañó cola llamada Escalera de Jacob. D’ehí un periplu que la llevaría hasta Galicia y, mas tarde, a Irlanda y Escocia.

La so hestoria amuésase na so variedá de cerveces. La roxa Blonde Ale, con 5,5º, ta inspirada nel pasu de la piedra per Exiptu. Ye suave, fresca y con un leve regustu amargosu bien prestosu que la fai ideal pa los menos cerveceros. Con más d’un 30% de Centenu y casi 7º d’alcohol, la tostada Rye Ale nun va dexar indiferente a naide. El pasu de la Imperial Stout per boca ye templáu y sedosu, llenu de matices. La Barley Wine, una esplosión de sabores de cebera, toffe, y frutes pases cola mesma graduación que’l vinu, y la Pale Ale al más puru estilu característicu d’Inglaterra son otres de les sos cerveces. Una ufierta qu’acaben de completar con dos nueves birres: una Scotch ale con una graduación de 7,5%, una versión más civilizada de la Barley Wine y una edición llindada d’una doble ipa llamada Maris hopping, una cerveza fora de la so llínea clásico y cargada de lúpulu.

Nun territoriu enminentemente sidreru, la cerveza artesano supo buscase’l so propiu espaciu. Y Scone ye bona preba d’ello. Avérate a esfrutar d’una de les sos cerveces nel so puestu de la Feria de Muestres d’Asturies, allugáu xuntu al Cuco, al llau de la Cámara de Comerciu.

El Festival de La Cerveza cumple'l so primer cuartu de sieglu n'Avilés

El Festival de La Cerveza cumple’l so primer cuartu de sieglu n’Avilés

52 ediciones del Descensu Folklóricu del Nalón

52 ediciones del Descensu Folklóricu del Nalón