Yá sabéis lo que nos presta’l branu, la sablera… ¡ y los TOP5! N’Asturies tenemos más de 100 sableres, dalgunes d’elles naturistes o nudistes. ¿Ta equí la to sablera favorita?

Sablera de Torimbia (Llanes)

Torimbia

La sablera de Torimbia ta asitiada na localidá de Niembru. Ye una de les sableres más formoses de Llanes. Nos años 60 foi bien popular al ser la primer sablera naturista d’Asturies.

Sablera de Mexota (Tapia)

mexota

La Sablera de Mexota ta asitiada na localidá de Santa Gadea, mui cerca de Serantes (Tapia). Ye una sablera de sable finu y blanca. Esta sablera tien una particularidá: un gran afloramientu predresu vertical dixebra la sablera per delles partes y da-y cierta intimidá.

Sablera d’Aguilera (Gozón)

aguileraMui cerca de les sableres de Verdiciu y Carniciega, atópase la Sablera d’Aguilera. Esta sablera ye pocu frecuentada por cuenta del so fuerte oleaxe y el so llargu accesu piatonal. Al igual que la sablera de Torimbia, ye una de les primeres nes que se empezara a practicar el nudismu, anque tamién tien usuarios testiles.

Sablón de Bayas (Castrillón)

Playon de Bayas

El Sablón o Playón de Bayas ye la sablera más estensa del Principáu (casi trés kilómetros) y ta calificada como monumentu natural. La zona nudista ta na zona oriental de la sablera, al pie de les roques. La so ocupación ye media-alta pel branu. El bañu ye bien peligrosu por cuenta del so altu oleaxe. La sablera ta arrodiada de vexetación y per un estensu campu de dunes.

playon de bayas 2

Playa de la Ballota (Llanes)

ballota

La Sablera de la Ballota ta dixebrada de la Sablera de Andrín pol mirador de La Boriza. Nesta sablera ye frecuente la práctica del nudismu. Les sos agües son seles, con pocu oleaxe y un sable finu y blanca. Na pleamar, la sablera cúbrese casi por completu

Dexar respuesta

¡Anda, ho, pon un comentariu!
Por favor, pon el to nome equí