Rodrigo Cuevas trai al Niemeyer el so nuevu espectáculu ‘Trópicu de Cuadonga’

0
8
Rodrigo Cuevas

Rodrigo Cuevas, l’artista que nun dexa de sosprender, llega de nuevu al Centru Niemeyer pa faer esfrutar al públicu con Trópicu de Cuadonga. La nueva cita col públicu avilesín va tener llugar el sábadu 14 de marzu a les 20:30. Tres l’ésitu de la so anterior xira, l’artista más inclasificable del momentu presenta’l so nuevu espectáculu, descritu como: baturiciu folclóricu y electrónicu, divismo de campu y humor, erotismu elegante, hedonismu y celebración de los derechos innegociables. Con una puesta n’escena pa sorprender que cunta con elementos vintage, fermoses coreografíes contemporanees, vídeu proyecciones y un vestuariu que, una vegada más, va esllumar al públicu xuniéndose nuna fórmula única.

La premier d’esti nuevu proyectu tuvo llugar a finales de xunu de 2019 en Llión, y nel del festival ZIP, entamáu pol Teatru Español en Madrid, collechando un ésitu sensacional de crítica y de públicu, según na Fira de Tárrega con dos sobeyoses actuaciones qu’atroparon los titulares de los medios alzándose ente lo más destacao esta edición.

Trópicu de Cuadonga ye’l tercer espectáculu de Rodrigo Cueves, tres Electrocuplé y El Mundu por Montera. La so postrera puesta n’escena llevólu a percorrer escenarios tantu n’España como fuera del país en ciudaes como Lima, Londres o Roma. Amás, cuenta con numberoses actuaciones pelos meyores festivales y auditorios del país.

Les entraes pueden adquirise a un preciu de 18 euros y con un descuentu del 10% pa socios del Club Cultura y Pasaporte Cultural. Pueden mercase nes recepciones del Centru Niemeyer, CITPA Uviéu y Llaboral Ciudá de la Cultura en Xixón y en Entradas Liberbank.