5 comercios llocales especiales onde mercar un regalu de Reis en Xixón

Cada añu igual… Les fiestes navidiegues pasen volando y nun sabemos qué pidir a los Reis pa la nuesa pareya (que nunca te da nenguna pista de lo que quier), pa esi amigu que yá tien de too, o pa la nuesa ma (que ye tan repunante colos regalos…)

En Conocer Asturies queremos ayudate pa dir a tiru fixu con cinco tiendes especiales de Xixón. Pequeñu comerciu llocal nel que puedes atopar regalos prestosos pa tolos compromisos pendientes pa la nueche del 5 de xineru.

Y entamamos con un clásicu de los regalos, un llibru. Y si en Xixón hai un llugar especial nel que mercar un llibru, esi ye la Llibrería Paradiso, asitiada nel 28 de la cai La Merced. Fundada en 1976, Paradiso namora dende’l momentu nel qu’entres y t’arrodies del ambiente tranquilu qu’aporten los llibros y discos nesti clásicu espaciu xixonés.

A un fondu de llibros que te permite atopar clásicos y toles novedaes, axúntase una importante sección de vinilos de tolos tiempos y estilos. El llugar perfectu p’atopar un regalu cultural.

Info:
  • Dirección: Cai La Merced 28 (Xixón)
  • Facebook

Si lo que busques ye un regalu vintage, el meyor llugar p’atopalu ye La Merced, 3 vintage and funny things, una tienda vintage de muebles, decoración, prendes de vistir y complementos pa home y muyer, onde cada pieza ye única. Pieces de tou tipu dende los años cincuenta que te permiten facer un regalu orixinal y únicu.

El percorríu pela tienda, fundada en 2010, va tenete entreteníu un bon ratu. Con productos variaos y que cambien de forma habitual, raro sedrá nun atopar un regalu sorprendente col qu’acertar nel día de Reis.

Info:

Si lo que quies ye regalar pieces de diseñu, artesanía o arte, La Cósmica, na cai Institutu 23, ye l’espaciu que tabes buscando. Embaxo’l conceptu tienda+galería, esti prestosu llugar ufre pieces de diseñadores, llibros especiales pa la reciella d’editoriales como Savanna booksKireei EditorialMinchō Magazine, asina como complementos decorativos pa da-y un aire diferente a la to casa o vistir sabiendo que lleves una pieza especial y única.

Na parte d’abaxo, la tienda tresfórmase nuna galería d’arte onde faen esposiciones mensuales tantu individuales como colectives y nes que vas poder mercar obra orixinal de diferente autores. L’espaciu diríxelu la xoven ilustradora asturiana Ana Junquera.

Info:

Nel 35 de la cai Institutu puedes conocer lo meyor de la moda na Tamar Modas, una tienda multimarca que ye yá un clásicu del comerciu xixonés, y onde se caraztericen por dar una atención personaliza, mui importante a la hora de mercar un regalu, y más, cuando andamos mui perdíos.

Selly Avello, al frente d’esti espaciu enllenu d’estilu, va guianos pelos caminos de la moda pa muyer que más se trai.

Info:
  • Dirección: Cai Institutu 35 (Xixón)


Acabamos esti percorríu de recomendaciones na cai La Merced, 46, na tienda Natalia I. Esti espaciu, con dalgo más de dos años d’andadura na ciudá, ufierta colecciones de moda pa muyeres con estilu, ropa cómodo y femenino. Tolo necesario pa tar a la última con bolsos, pañuelos y accesorios de marques seleccionaes.

Na tienda, úfrente trucos d’estilismu y conseyos d’estilu que van permitite facer les meyores combinaciones pa que nun falles col to regalu.

Info:

Tags: