in

¿Qué tiempu esperamos esti fin de selmana?

Espérense cielos poco nublos y temperatures máximes en llixeru ascensu

Fin de selmana serondiegu n’Asturies. Mientres los próximos díes espérense cielos poco nublos a estenos. Vamos poder esfrutar del sol y temperatures que van xubir un pocu, llegando a raspiar inclusive los 30 graos en dellos puntos de la comunidá nos momentos centrales del día.

Vienres

Pocu nublu o estenu. Temperatures n’ascensu, menos acusáu na mariña, localmente notable na metá sur. Vientu fluexu de componente sur rolando temporalmente a mediudía, sacante nel estremu sur, a norte y noroeste.

Sábadu

Pocu nublu o estenu con intervalos de nubes medies y altes. Nun se refuga dalgún bastiu aisllao y ocasional nel estremu sur. Temperatures n’ascensu, sacantes les máximes nel sur, que van permanecer ensin cambeos o van baxar llixeramente nel Cordal. Vientu fluexu variable con predominiu de la componente sur, temporalmente esti na mariña; al mediudía arrecia nel Cordal y Picos el vientu del sur y suroeste, con raches bien fuertes.

Domingu

Pocu nublu aumentando dende l’oeste a nublu o cubiertu, con agües y bastios, menos probables cuanto más escontra l’este y mas intenses y frecuentes nel estremu occidental. Temperatures mínimes ensin cambeos o n’ascensu y máximes en descensu, salvu na mariña, onde va haber pocos cambeos. Vientu fluexu del sur, más intensu nel Cordal, onde va haber raches bien fuertes, abocanando nel restu a fluexu variable.

Acaben les obres del área recreativa d’El Cristo

Pote de castañes: receta