in

¿Qué tiempu va facer esta fin de selmana n’Asturies?

El branu díespdese con tiempu más propiu de la seronda

Asturies despide’l branu con una fin de selmana con tiempu más propiu de la seronda. Los cielos estenos y les máximes cercanes a los 30 graos en dellos puntos de la comunidá van dir dando adulces pasu a la nubosidad. L’Axencia Estatal de Meteoroloxía espera un notable descensu de les temperatures máximes na última xornada del branu.

Lo meyor espérase pal vienres. El sol va ser el gran protagonista de la xornada. El cielu va tar pocu nublu o estenu polo xeneral de primeres, aumentando a intervalos nublos d’evolución diurna nel interior. Espérense lluvies en dellos puntos del Principáu, con nubes que podríen ser localmente fuertes nel sur. Les temperatures mínimes van caltenese más o menos estables y les máximes van xubir.

La inestabilidá va dir ganando terrén el sabado, cuando s’esperen intervalos nublos de nubes medies y altes aumentando a cubiertu. Va ser a midida qu’avance la xornada cuando s’esperen agües y bastios dacuando tormentosos, que van afectar principalmente a la metá occidental. Les temperatures mínimes van xubir un pocu, mientres que les máximes van baxar, sacante na mariña onde se van caltener ensin cambeos significativos.

La nubosidad sera la gran protagonista’l domingu. El día va empezar nublu o cubiertu con agües y bastios moviéndose d’oeste a este y les temperatures van baxar de forma xeneralizada.

5 cachopos que nun puedes perdete

Les Campes, una plaza enllena d’hestoria