¿Qué hai tres les boles de fueu?

Nun ye la primer vegada qu’una bola incandescente dexa atónitos a tolos qu’esfruten tomando un pocu el sol nestes feches tan propicies. La selmana pasada yá nos reportaba l’ABC un exemplu d’esti cada vegada más habitual socesu. El pasáu 16 de febreru, a altes hores de la madrugada, tol sur peninsular viose esllumáu por esta xigantesca bola, espertando a millones de vecinos andaluces y causando estragos ente aquellos que salíen a dar un paséu na so narcollancha: «Tábemos saliando un pocu y pensábemos que yera la policía», aseguró un asustáu vecín del Campu Xibraltar.

Dexamos equí un videu afacionáu con ablucantes imáxenes.

Sicasí, recientes investigaciones confirmen que muncho enantes d’estes repentines apaiciones n’Andalucía, Albacete, Wyoming o Melbourne, Asturies foi la primera en carecer esti ábanu. Tres años de silenciu, dellos vecinos de L’Entregu afirmen que fueron testigos d’estes boles yá nos allegres años 80. La canal PlayPresta ufre n’esclusiva les declaraciones d’un entreguín, escépticu a qu’estos percorríos lluminosos seyan frutu de la casualidá.

¿Ye posible que teamos baxo l’aliendu güeyu alielíxena dende hai años? Cada vez son más les voces que tán convencíes d’ello.

Lo que sí habría que pregunta-yos a estos supuestos «voyeur» ye si ellos ven dalgo dende ehí arriba col carrapotáu de porquería que tenemos anguaño por cielu.