¿Qué facer esti fin de selmana n’Asturies?

Llega'l fin de selmana y Asturies ofrez una montonera de planes: gastronomía, música, artesanía… ¿Qué ye lo que más t'apetez facer?
Falete va tar esti sábadu nel Teatru Xovellanos de Xixón.

Llega’l fin de selmana y Asturies ofrez una montonera de planes: gastronomía, música, artesanía… ¿Qué ye lo que más t’apetez facer? Equí tienes dalgunes de les propuestes de l’axenda cultural y d’ociu d’esti fin de selmana:

¿Una cita gastronómica?

Siero de Pinchos. Les tardes-nueches de los díes 24, 25 y 26 celébrase en Siero’l I Concursu Siero de Pinchos. Cada establecimientu ufierta distintos propuestes de minicocina a un preciu de 2,5 euros.

XV Xornaes Gastronómiques de les Setes Monteses de la Contorna del Nalón 2019. Los conceyos de Llangréu, Samartín del Rei Aurelio, Llaviana y Sobrescobiu celebren del 24 al 9 de xunu les XV Xornaes de les Setes Monteses. Los establecimientos participantes van ufiertar variedá de menús usando como elementu principal esta materia prima tan sabrosa y preciada.

Gran Amuesa/Espicha Asturies, el país de los 40 quesos. Tierra Ástur Águila celebra’l vienres 24 de mayu a partir de les 20.30 hores una gran espicha na que s’amuesen cuarenta quesos distintos y diversos platos qu’usen como elementu principal esti alimentu. El grupu folk maliayu Alienda, va poner ritmu a esta velada empobinada a tolos amantes del quesu. Preciu: 24 euros per persona.

¿Un paséu ente artesanía, moda y tradición?

VI Feria d’Antigüedá Coleccionismo y Vintage 2019. Avilés alluga esta fin de selmana en el Pabellón d’Esposiciones y Congresos de la Madalena la VI Feria d’Antigüedá Coleccionismo y Vintage. Horariu: Vienres 24, de 17 a 21 hores; sábadu 25 y domingu 26, de 11 a 21 hores. Preciu: 3 euros por persona.

Sweet Mercazoco Market. Esta iniciativa lleva dende 2012 siendo puntu d’alcuentru d’artesanos, diseñadores, artistes, entamadores… Vas poder atopar un ampliu market de moda actual, vintage, teles, calzáu… tolo acompañáu d’espectáculos, talleres d’artesanía o actividaes para niñxs ente otres munches. Nesta ocasión celebrar nel Palacio Ruaquince d’Uviéu mientres el sábadu 25 y domingu 26 y la so entrada ye gratuita.

XI Mercáu Tradicional Pampiedra. Esti domingu 26, Llangréu enllénase de tradición y diversión: cueru, talla de madera, fragües o cerámica acompañáo de música y xuegos para neñxs. Horariu: de 12 a 18 hores.

Pa los que busquen la desconexón d’una forma artística:

Conciertu de Falete. Falete, LaBejazz, la bailladora Ángela Bonilla y l’orquesta de cámara de Siero axúntense nel teatru Xovellanos de Xixón pa crear un espectáculu nel que converxen flamencu, música clásica, jazz y baille. Horariu: sábadu 25 a les 20.30 hores. Preciu: Butaca 20 euros, entresuelu 18 euros, xeneral 15 euros

Ballet Nacional de Cuba. El teatru Campoamor d’Uviéu acueye esti vienres 24 l’actuación del Ballet Nacional de Cuba cola obra ‘La Ceninienta’ y empobinada por Alicia Alonso. Preciu: Patiu, butaques y entresuelu 45 euros, principal 40 euros, anfiteatru y xeneral 29 euros.

Juan Diego Flórez. El domingu 26, el tenor Juan Diego Flórez, acompañáu pol pianista Vincenzo Scalera, va actuar nel Auditoriu Príncipe Felipe d’Uviéu dientro del ciclu de Conciertos del Auditoriu y Les Xornaes de Pianu de Luis G. Iberni. Preciu: Patiu de butaques 65 euros, anfiteatru 60 euros.

Esposición fotográfica: Nacer Neña. El licéu de Navia alluga hasta’l 31 de mayu la esposición fotográfica ‘Nacer Neña’. Nella amuésase la gran inxusticia social qu’esiste a lo llargo de la vida d’una muyer nun país como la India. Horariu: De llunes a sábadu de 10 a 20 hores.

Y pa los pequeños de la casa…

Visita guiada TitereSi. Celébrase en Siero’l XIV Festival de Títeres, por ello, esti domingu 26 de mayu a les 17.30 hores entámase una visita guiada al Muséu del títere. Reserves: 686 125 880 / 985 724 234. Preciu: 3 euros.

Teatru infantil: Hansel y Gretel. L’Espaciu Escénicu de la Factoría Cultural d’Avilés acueye la representación de Hansel y Gretel de la mano d’Hixénicu Papel Teatru. Un espectáculu pa tola familia que vas poder esfrutar esti vienres 24 de mayu a les 19 hores.