Xornaes de puertes abiertes esti fin de selmana nel Parque de la Prehistoria de Teberga

El públicu va poder visitar de forma llibre la galería y l'espaciu museísticu

0
6

El Parque de la Prehistoria de Teberga celebra xornaes de puertes abiertes con entrada y actividaes gratuites el sábadu 14 y el domingu 15 d’avientu. El públicu va poder visitar de forma llibre la galería y l’espaciu museísticu. Tamién se va ufiertar la posibilidá de participar nuna visita guiada a la cueva de Cueves, con reproducciones a escala real de trés significativos conxuntos del arte rupestre paleolíticu européu col mesmu ambiente nel que s’atopen les pintures y grabaos orixinales.

Estes visites van realizase de forma continua según arribación mientres l’horariu d’apertura. Tamién podrá reparase a los bisontes d’orixe européu, los caballos Przewalski y tarpanes, los neo-uros o Uros de Heck, los gamu y los venaos qu’habiten nuna zona esterior del Parque. Va haber microtalleres de Prehistochapas mientres tola fin de selmana pal públicu infantil de 4 a 11 años.

El Parque va permanecer abiertu esti sábadu y domingu, de 10:30 a 14:30 y de 15:30 a 18:00 hores. La entrada y les actividaes son gratuites y ensin reserva previa.