Interior del Muséu de Belles Artes d'Asturies

Toles actividaes del Día de los Museos n’Asturies

Puertes abiertes, visites guiaes y talleres pa la reciella centren les actividaes pa conmemorar esta efeméride

Los museos asturianos súmense a la celebración del Día Internacional de los Museos. Los equipamientos del país tiene preparada una completa programación para conmemorar esta xornada. Puertes abiertes, visites guiaes, actividaes y talleres pa la reciella son dalgunes de les propuestes.

Uviéu. Los actos de conmemoración del Día Internacional de los Museos nel Muséu de Belles Artes d’Asturies van empezar el vienres con una visita guiada en redol a delles de les pieces espuestes na amuesa Imago Urbis. Va ser a les 18 hores. El sábadu los visitantes van poder esfrutar d’un percorríu musical por delles obres de la colección a cargu del cantautor Pablo Moro (12 hores) y d’una visita a la obra convidada, el retratu de Fernando VII realizáu por Goya (18 hores). Esta obra tamién va poder ser visitada por persones con discapacidá visual nuna visita guiada con audiodescripción y percorríos táctiles (martes a les 17 hores). Los neños cobren protagonismu’l domingu con un percorríu pola esposición Imago Urbis nel que se van buscar inspiraciones para decorar y tresformar una cometa blanca (11.45 hores). Toles actividaes cunten con places llindaes y ye necesaria reserva previa unviando un corréu a visitantes@museobbaa.com o llamando al teléfonu 985213061 n’horariu de 9 a 14 hores.

Xixón. Los museos de la ciudá van entornar con decenes d’actividaes a lo llargo de tola fin de selmana. El sábadu la entrada va ser gratuita a la rede municipal de museos. Va haber visites guiaes  al Parque Arqueolóxicu-Natural de la Campa Torres, les Termes Romanes y la Casa Natal de Xovellanos y talleres y actividaes para tolos públicos nos distintos espacios. El Muséu Barjola va convidar a mayores y pequeños a esfrutar del centru dibuxando. Les families con neños dende 4 hasta 10 años van poder averase’l sábadu a les 12.30 hores para dibuxar xugando con técniques tradicionales. Tamién va haber talleres para los más pequenos (12 hores) y visites empuestes a les esposiciones, al llaboratoriu de fabricación dixital (FabLAB) y los espacios que de normal non s’amuesen nes visites a Llaboral Centru d’Arte.

Avilés. El Muséu de la Hestoria Urbana d’Avilés va ufiertar dos visites guiaes pol equipamientu por cuenta de esta celebración. Van ser el xueves a les 12 hores, en castellán, y el vienres a les 19 hores, n’asturianu. El sábadu pela mañana (12 hores) va poder visitase el mayor muséu al campu de la ciudá: el Campusantu de la Carriona. Toles actividaes son gratuites y ye necesaria inscripción previa nel corréu electrónicu: museodeaviles@ayto-aviles.com o nel teléfonu 985 565 512.

Colunga. Puertes abiertes el sábadu nel Muséu del Xurásicu d’Asturies n’horariu de 10.30 a 14.30 y de 16 a 19 hores. Van poder visitase los llaboratorios y litotecas col equipu científicu del muséu y cuatro talleres pa los más pequeños: Na piel d’un dinosauriu, Conociendo la mariña de los dinosaurios, Paleontólogu per un día y Erupción volcánica. Les actividaes son gratuites y nun ye necesaria inscripción previa.

Ribeseya. El sábadu tamién va abrir les sos puertes el Centru d’Arte Rupestre de Tito Bustillo, que va ufiertar visites guiaes pol equipamientu y a les cueves de Tito Bustillo y Ardines. Asímismo, va haber dos talleres para los más pequenos de la casa.

Consulta la programación completa para’l Día Internacional de los Museos n’Asturies [PDF]