Pista de patinaxe sobre xelu en La Esposición (Avilés)

Na semeya, la pista de xelu de Xixón.

La programación navidiega pa esti añu n’Avilés, inclúi una pista de patinaxe sobro xelu na Pista de La Esposición ente’l 1 d’avientu y el 7 de xineru.

La pista va tener una superficie patinable de 450 metros cuadraos dientro d’una carpa de 1.000 metros cuadraos que tamién inclúi servicios d’arriendu de patinos, cafetería, churrería y taquiella.

La previsión d’horariu de la pista de xelu ye la siguiente:

  • Llunes a vienres: 10 a 20 hores
  • Fin de selmana y festivos: 10 a 23 hores
  • 24 y 31 d’avientu y 5 de xineru: 10 a 19 hores
  • 25 d’avientu y 1 y 6 de xineru: 16 a 23 hores

El preciu d’usu va ser de 6 euros la hora, más 2 euros pol arriendu de los patinos.

 

Tags: