Pablo Carrera: “Sentir a Remis o al gaiteru de Lliberdón tenía de ser una gociada”

CONOCER ASTURIES CON… PABLO CARRERA

Pablo Carrera González (La Pola Llaviana, 1986), ye anguaño ún de los gaiteros de referencia de la escena asturiana. Pupilu del prestixosu gaiteru Jose Manuel Tejedor, fíxose un güecu pasu ente pasu per concursos y festivales, llegando a ser gaiteru d’un buen númberu de grupos de baille d’Asturies y del grupu folk Hortalana, amás de collaborar en numberoses ocasiones con Marisa Valle Roso. Ye’l creador del Poiter, un preséu que sirve de soporte pa les gaites, cabezaleru del grupu “Gaiteros de Carbón” y fundador d’A Mansalva, una escuela de música dedicada amás a la promoción d’eventos y producción musical.

Un llugar pa perdese una fin de selmana… Cualesquiera nel conceyu Llaviana.

Un llugar pa vivir… Adáptome bastante bien a cualesquier llugar, anque sí quiero más la tranquilidá que tien el pueblu que’l bulliciu de les grandes ciudaes.

Un platu… Sartén de güevos rotos con picadiellu.

Un postre… Tarta quesu (de mio madre).

Una sablera pa pasar el día… La Griega, en Llastres.

Un pueblín que nun podemos dexar de ver… La Pumará, en Villoria (Llaviana).

Un chigre pa tomar unos culinos… El Descanso (La Felguera – Llangréu).

Un parque natural pa visitar… Muniel.los.

Una fiesta a la que nun faltar… San Xuan.

Un muséu pa recomendar… El de la madera y la madreña en Veneros (Casu).

Un momentu de la hestoria que te prestaría vivir… Ver al gaiteru Lliberdón, a Remis…

Un baille pa pasalo bien… Les dancites.

Una pallabra n’asturianu que te preste… Fame.

Una tradición que nun pue perdese… Nun pue perdese nin una.