Nuevu númberu de la revista de ‘Conocer Asturies’

Nesta nueva entrega la publicación percuerre dalgunes de les tradiciones asturianes más propies d'esta dómina

0
95

La revista de ‘Conocer Asturies’ vuelve con un númberu cargáu de tradición. Nesta nueva entrega correspondiente a la seronda/iviernu, la publicación percuerre dalgunes de les costumes asturianes más propies d’esta dómina. D’esta manera, vamos dar los primeros pasos na ellaboración de la sidra apañando la mazana que dempués mayaremos nel llagar. Tamién vamos conocer cómo llegó’l maíz a Asturies, dando llugar a fiestes como la esfoyaza, y vamos afayar los oríxenes del amagüestu. Y nun vamos perder de vista tradiciones como la de los aguinaldeiros de San Xuan de Villapañada nin el traxe del país.

Nun va faltar tiempu para fartucar con delles de les fiestes gastronómiques más importantes d’esta dómina y vamos conocer too sobro la hestoria del Anguleru. Amás, afayamos el paraísu navetu al traviés de cuatro rutes pela naturaleza del conceyu; percorremos los paisaxes del oriente asturianu; y conocemos más sobro la figura del escritor llavianés Armando Palacio Valdés. Tampoco va faltar la entrevista, nesta ocasión col meteorólogu David Arango.

La revista de ‘Conocer Asturies’ distribúyese de manera gratuita n’oficines de turismu, restoranes y establecimientos hoteleros de tola comunidá. ¡Nun quedes ensin ella!

Puedes lleela calcando equí