Nando Agüeros: “Asturies entera ye un muséu”

Nando Agüeros nun reconoz frontera n’Unquera, y asina lu presentamos güei: como un asturianu más. La voz d’esti cantábru nacíu en Torrelavega (1976) resona dende hai tiempu peles fiestes de prau asturianes, especialmente dende la publicación de los sos temes ‘La santina’ y ‘Viento del Norte’. Estos dos cantares inspiraos n’Asturies nun son más qu’un exemplu de la bultable presencia de temes inspiraos nel país, na so yá madura discografía: Indomable (2018), Todo gira (2016), #Tradicional (2015), Acuérdate (2012), Aquel niño que yo fui (2006)…

Un llugar pa perdese una fin de selmana… Tola zona de Llanes.

Un llugar pa vivir… Cualesquier d’Asturies.

Un platu… Bocartes del Cantábricu.

Un postre… Arroz con lleche.

Una sablera pa pasar el día… Torimbia.

Un pueblín que nun podemos dexar de ver… Colombres.

Un chigre pa tomar unos culinos… La Ballera (Villaviciosa)

Un parque natural pa visitar… Picos d’Europa.

Una fiesta a la que nun faltar… La Fiesta de la Sidra en La Villa.

Un muséu pa recomendar… Asturies entera ye un muséu.

Un momentu de la hestoria que te prestaría vivir… Anguaño.

Un baille pa pasalo bien… A lo agarrao.

Una pallabra n’asturianu que te preste… Orbayu.

Una tradición que nun pue perdese… La música tradicional.

Una espresión n’asturianu que te preste… Fai un cutu qu’escarabaya’l pelleyu.