in

Nacho Vegas agota entraes nel Botánicu

Nacho Vegas
Nacho Vegas

Nacho Vegas lleva de nueves a Xixón la so xira Violética’l 7 de setiembre viniente col cartelu de ‘Entraes escosaes’. Va ser con un conciertu nun formatu perespecial nel que tará acompañáu dafechu pola banda y pol Coru Al Altu La Lleva. Amás de les canciones del so trabayu caberu, Violética, tamién van sonar temes de tola carrera del músicu asturianu. El conciertu va allugase na terraza del Xardín Botánicu Atlánticu.

Nacho Vegas espublizó güei una canción nueva cantada n’asturianu, ‘A les rexes de la cárcel’, que va afayase en toles plataformes dixitales.

Nueches Máxiques

Les entraes pa los pases restantes de Nueches Máxiques (31 d’agostu y 1 de setiembre) tamién tan escosaes. Con estes dos nueches restantes, fueron 10 nueches d’agostu nes que’l Botánicu enllenóse de personaxes mitolóxicos que remanecieron nos requexos más guapos del xardín. Un alcuentru nocherniegu cola naturaleza, el misteriu y la tradición que s’entemecen nun espectáculu diferente.

Cita con Sr. Chinarro nel Xardín Botánicu de Xixón

Cita con Sr. Chinarro nel Xardín Botánicu de Xixón

‘Intocables’ aporta al Teatru Xovellanos accesible pa tolos públicos

‘Intocables’ aporta al Teatru Xovellanos accesible pa tolos públicos