Murias celebra'l so tradicional mercáu
Murias celebra'l so tradicional mercáu

Murias celebra’l próximu domingu día 28 de xunetu una nueva edición del so mercáu, qu’anguaño va tar dedicáu al coleicionismu y a les antigüedaes. La organización cuerre al cargu de la Asociación Cultural La Colexata de Murias, que cunta cola collaboración del Conceyu d’Ayer. La cita va empezar a partir de les once de la mañana con espositores procedentes de toa España, que van convertir a esta guapa localidá de monte nun escenariu únicu d’artículos de coleicionismu y d’antigüedaes. Los puestos van instalase nes angostes cais de Murias y van enllenar el pueblu de rincones sorprendentes. Coles mesmes, va presentase’l sellu conmemorativo de Murias y de 12:00 a 15:00 hores un funcionariu de Correos va sellar in situ.

Amás, la organización diseñó un variáu programa d’actividaes qu’inclúi, a les 13:00 hores, una misa solemne na capiya de la Virxe de les Nieves, cantada pola soprano María Fernández, que va tar acompañada a los teclaos por Elia Esipovich. De siguío, va tener llugar la puya’l ramu y la sesión vermú, amenizada pola artista Covadonga De la Rúa, que va dar pasu a la yá tradicional comida popular.

Pela tarde, a partir de les 17:00 hores, va haber una esposición y exhibición de cetrería, según un taller d’estampación manual y otru de reveláu de semeyes antigües. A les 18:00 hores, el programa contempla l’espectáculu infantil ‘mundu na maleta’, con escenes risibles y xuegos, y a les 20:00 hores un espectáculu d’humor, al cargu d’Alberto Rodríguez. El broche d’oru a esta xornada festiva poner la tirada de fueos artificiales, que va tener llugar a les 21:30 hores.

El programa

Domingo 28 de xunetu

11:00 h Apertura del mercáu y presentación de sellu conmemorativo de Murias
13:00 h Misa na capiya de la Virxe de les Nieves
13:30 h Sesión vermú amenizada pola artista Covadonga de la Rúa, acompañada a los teclaos por Elia Esipovich
15:00 h Comida popular
17:00 h Exhibición de vuelu d’águiles de Valporquero
18:00 h Gran espectáculu infantil ‘El Mundu na Maleta’
20:00 h Espectáculu d’humor col gran Alberto Rodríguez
21:30 h Fueos artificiales

Mientres tol día animación musical, a cargu del DJ Discoastur.