La charra, na que participa’l periodista xixonés Juanma Castaño, va tener llugar esti xueves 16 d’agostu, a les 18 hores, na Feria Internacional de Muestres d’Asturies (FIDMA).

Esti xueves 16 d’agostu, a les 18 hores, na Sala Anfiteatru del Palaciu de Congresos y Esposiciones de la Feria Internacional de Muestres d’Asturies (FIDMA), va allugase la charra “Quini, el sportinguista más grande de tolos tiempos”.

L’alcuentru ta entamáu pol Conceyu de Xixón por cuenta de la esposición “Tributu a los Hermanos Castro” que s’asitia nel pabellón de Xixón del recintu ferial.

Na cita van proyeutase testimonios de dellos excompañeros de Quini y va repaxsase la so trayectoria nel Real Sporting de Gijón, Fútbol Club Barcelona y selección española, amás de les meyores anécdotes.

Na mesa redonda, que va tar moderada por Manfredo Álvarez, comisariu de l’amuesa, van afayase’l periodista xixonés Juanma Castaño y los exfutbolistes José Antonio Redondo y Secundino Suárez “Cundi”. Tamién va intervenir per videuconferencia Jorge de Haro, ún de los comisarios que llevó la investigación y resolución del secuestru de Quini en 1981.

Tags: