Love of Lesbian, platu estrella del festival Las Músicas

El festival Las Músicas va celebrar la so tercer edición el vienres 23 d’agostu na plaza del Centro Niemeyer cola presencia de Love of Lesbian y otros dos artistes por confirmar. Les entraes yá tán a la vienta con una ufierta de llanzamientu a 20 euros para les primeres 1000 localidaes. El festival, entamáu por Mestizo Producciones, el Centru Niemeyer y el Conceyu d’Avilés, vuelve con una selecta propuesta musical calidable.

Love of Lesbian van llegar a Avilés con un repertoriu nutríu de grandes ésitos. Dempués de xirar ‘Espejos y Espejismos’, onde’l grupu treslladó a los teatros de la península los sos temes más firientes, llega la xira de Festivales de Branu 2019. La banda va compartir la so otra cara: un repertoriu nutríu de grandes ésitos para crear una nueche única.

L’actuación de Love of Lesbian va tar acompañada por un tríu de vientos, percusión, vibráfono y steel guitar, ufiertando asina un conciertu bien especial. La formación ta compuesta por Santi Balmes (voz, guitarra y tecláu), Julián Saldarriaga (guitarres y voces), Jordi Roig (guitarra eléctrica), Oriol Bonet (batería), Dani Ferrer (teclaos y sintetizadores), Ricky Falkner (baxu y voces), Marc Clos (percusión y vibráfono), David Solé (steel guitar), Alejandro Serrano (saxo), Ernesto Millán (trompeta) y Marcos Crespo (trombón).

Love of Lesbian ye un grupu barcelonés de indie rock y indie pop que cunta con nueve discos nel mercáu. Dende la so creación en 1999, algamó una gran notoriedá ente’l públicu y la crítica especializada.

Tags: