Llanes ye’l quintu pueblu más buscáu d’España

0
40
VALLA LLANES*

Que Llanes namora a quien lo conoz ye daqué bien sabío por toos. La localidá del oriente asturianu atrai añu tres d’añu a miles de turistes poles sos sableres, la so gastronomía y les sos xentes. Tantu ye asina que se convirtió n’unu de los pueblos más buscaos nel caberu añu nel portal ‘Escapada Rural’. En concretu, el conceyu ocupa’l quintu puestu d’un total de 100 que, conxuntamente, rexistraron más de 1.500.000 busques.

Llanes ye’l conceyu asturianu meyor asitiáu nel ránking del citáu portal, con un total de 30.555 busques. Encabeza’l ‘top ten’ la localidá gaditana de Setenil de las Bodegas, que repite en primer posición per segundu añu consecutivu. Sígenlu Alcalá del Júcar (Albacete), terceru Valverde de los Arroyos (Guadalaxara), y cuartu Riópar (Albacete).