Fin de selmana serondiegu n’Asturies. Les lluvies van tornar a la comunidá mientres los próximos díes. Les temperatures van dir baxando adulces a midida que avérese’l llunes. La cota de nieve va cerrar la selmana percima de los 1100 metros.

El vienres espérase cielu nublu de madrugada tendiendo a intervalos y a pocu nublu pela mañana; pela tarde aumentando a nublu pel oeste y nel Cordal, con orbayu, ya intervalos nublos nel restu ensin descartase les precipitaciones. Gurrianes mañaneres y bancos de borrina nel Cordal. Temperatures mínimes ensin cambeos y máximes n’aumentu. Vientu de componente sur fluexu nel interior y d’oeste más intensu na mariña rolando y menguando a sureste fluexu.

Bien nublu o cubiertu’l sábadu, con namás intervalos nublos pela tarde. Lluvies y bastios que se van estender dende l’oeste y ensin descartar que vaigan acompañaos de nube mientres la primer metá del día. Cota de nieve en redol a 1400 metros a la fin del día. Temperatures en llixeru descensu, algamando les mínimes a la fin del día. Vientu de componente sur nel interior y del oeste y suroeste na mariña con probables raches bien fuertes nel Cordal.

El domingu va espertase bien nublu o cubiertu. Lluvies y bastios xeneralizaos que se van intensificar al partir de la tarde. Cota de nieve en redol a 1300 metros baxando hasta 1100. Temperatures en descensu, más acusáu’l de les máximes. Vientu fluexu de componente sur rolando a componente norte.