in ,

Laura Iglesia: «Pagaba por pegame un bañín nes Termes del Campu Valdés, nesi Cimavilla romanu»

CONOCER ASTURIES CON… LAURA IGLESIA

Laura Iglesia San Martín (Xixón, 1968) ye dende hai años una de les referencies del teatru asturianu. Fundadora de la companía Higiénico Papel Teatro y collaborando nella como guionista, directora y productora, saca alantre mas d’una trentena d’obres de mui distintu xeitu. Premiada en numberoses ocasiones nos Premios Oh! de les Artes Escéniques nes xeres citaes, y sobremanera como actriz, el so compromisu cola llingua ye innegable: publica en 2012 1001, Una odisea nel desiertu  y collabora nel desendolcu de l’Axenda Didáctica Escolar que promueve la Dirección Xeneral de Política Llingüística del Gobiernu d’Asturies. Güei fálanos de lo que más-y presta d’Asturies.

Un llugar pa perdese una fin de selmana… Picos.

Un llugar pa vivir… Xixón. Nel mio casu dende va 50 años.

Un platu… La tortiella de chorizu de Carlos Dávila.

Un postre… El bombón de nata de “La Ibense”.

Una sablera pa pasar el día… Torimbia.

Un pueblín que nun podemos dexar de ver… Llastres, en Colunga..

Un chigre pa tomar unos culinos… “La Tropical” en Xixón. Amás tienen el meyor cachopu del mundu y unos chipirones afogaos de restallu.

Un parque natural pa visitar… Redes na seronda o en primavera.

Una fiesta a la que nun faltar… Piragües, pero namás pela mañana, pa ver la salida y “vermutiar” dempués un pocoñín.

Un muséu pa recomendar… La Villa Romana de Veranes.

Un momentu de la hestoria que te prestaría vivir… Daría dalgo por visitar el Xixón romanu, por tar en Cimavilla coles termes funcionando y pegame un bañín.

Un baille pa pasalo bien… El “Pumba Da-y”.

Una pallabra n’asturianu que te preste… Alderique.

Una tradición que nun pue perdese… Escanciar y beber sidra na cai, seya iviernu o branu.

Una pallabra o espresión n’asturianu que te preste… “Pasalo podre”.

Colectivos de muyeres trabayadores na hestoria d’Asturies

Planes d’ociu pal mes de marzu n’Avilés y Xixón