in

La riqueza del Conceyu Ponga

¿Qué podemos cuntar del paisaxe de Ponga que nun se cuntara y los llectores nun sepan? Too ellí ye verdor, arboláu, piedra y agua. Siendes y caminos, foces, escobios, hestories de tiempos pasaos y presentes de turismu. Pastoréu de ganaos y tierres de llabranza. Vieyos hestoriadores confirmen qu’en Ponga abondaben la caza del corzu, robecu, venáu, xabaril, gallu montés, llebre «y dellos paxaros pa la caza ensin perros». Al respective de la producción agrícola citen: escanda, maíz, fabes pintes -veteaes o negres- arbeyos, fabes de mayu, pataques…

Describen variedaes d’arboláu frutal: pumares, nozales, carbayos, zrezales; y cinco especies de ganáu: vacunu, caballar, ovín, de gochu y cabríu. Dizse que los campesinos teníen de pagar diezmos de pan, maíz, castañes, ablanes, tocín, llana, cabritos y corderos al conde Peñalba (dos terceres partes) y al párrocu (una tercer parte). Con estos productos yá tenemos puesta la mesa: potes de fabes, potes de berces, guisos de pataques, asaos y guisaos de caza, tortos con güevos fritos, boroñes, flanes… y como productu definitoriu: el quesu de Beyos, una xoya gastronómica.

L’Anuariu de la Música Asturiana trai toles novedaes y reflexones del 2018

FITUR acoyó la presentación de l’axenda cultural y d’ociu de Xixón pal 2019