José Sacristán torna a Avilés con ‘Señora de rojo sobre fondo gris’

Sustitúi nel programa de escenAvilés de xunetu a setiembre al estrenu de 'La Sonata a Kreutzer', atayáu en cayéndose del elencu una de les intérpretes
José Sacristán torna a Avilés con 'Señora de rojo sobre fondo gris'

Pocu más d’un añu dempués, José Sacristán torna a Avilés. Failo cola adaptación, en forma de monólogu, de la novela de Miguel Delibes ‘Señora de rojo sobre fondo azul‘. Va ser el sábadu 31 d’agostu, a les 21 hores, nel Teatru Palacio Valdés. Si en xunu del añu pasáu despidió na ciudá’l so postreru gran ésitu, ‘Muñeca de Porcelana’, nesta ocasión va traer el montaxe col qu’una vegada más ruempe taquilles por toa España, y énte’l que se rindieron los críticos.

‘Señora de rojo sobre fondo azul’, dirixida por José Sámano, unu de los grandes de la escena n’España, que l’afixo en collaboración cola dramaturga Inés Camiña y el mesmu José Sacristán, sustitúi na programación de xunetu a setiembre de escenAvilés a ‘La Sonata a Kreutzer’, que’l so estrenu nacional taba previstu pal vienres 23 d’agostu. La realización d’esta obra suspendióse en cayéndose del elencu una de les intérpretes. El so estrenu nacional, que se previera nel Teatru Palacio Valdés, tuvo que ser canceláu.

‘Señora de rojo sobre fondo azul’ ye la puesta sobro les tables, en forma de monólogu, de la novela más personal de Delibes, na que, al traviés de dos personaxes, rellata la hestoria d’amor cola so muyer, finada de forma temprana. Una semeya dende lo más íntimo, cola fonderada de la cayida de la dictadura franquista, de toa xuna vida xuntos. La obra ye xuna producción de Pentación Espectáculos y Sabre Producciones.

Tags: