Fontes d’Iviernu empecipia esti vienres la temporada d’esquí

Les espesures de nieve asítiense ente los 40 y 130 cm, con calidá húmeda

0
11

Fontes d’Iviernu empecipia esti vienres 29 de payares la temporada d’esquí con toles sos pistes y remontes abiertos. La previsión apunta a que se van abrir les sos 15 pistes, con un dominiu esquiaderu de 8,7 kilómetros: trés pistes verdes (Toneo, Pequenu Lloréu y Llana’l Fitu), trés azules (Entresierras, Enllaz y Gorbizales), seis coloraes (Ayer, La Hoya, Arandaneres, Llomba, Piornales y Abedurios) y trés negres (Tubu Entresierras, Robecos y Tubu de Toneo). Tamién se preve que tean operativos los telesillas Llana’l Fitu y Entresierras y Llomba, el telesquí Toneo y la Cinta.

Les espesures de nieve asítiense ente los 40 y 130 cm, con calidá húmeda. La previsión meteorolóxica indica que mañana va ser un día con nubes y escamplaes tendiendo a estenu a lo llargo de la xornada. La información actualizada sobro l’estáu de les pistes puede consultase na web www.fuentesdeinvierno.com, nes redes sociales de la Estación y nel Teléfonu Blanco (902 300 450).