Fito & Fitipaldis va actuar en Xixón en marzu

En 2018, Fito & Fitipaldis, unu de los grupos de rock and roll más conocíos del estáu ta d’aniversariu. Van celebralo con una xira que lleva por títulu “20 años, 20 ciudades”, que va empezar el 10 de marzu nel Palaciu de los Deportes de Santander y va siguir hasta xunu, mes nel que va rematar esti especial tour.

Los de Xixón van ser el segundu y tercer conciertu d’esta xira tan especial. Les cites van ser el 16 y 17 de marzu nel Palaciu de Deportes de La Guía.

Los Fitipaldis prepararon un repertoriu esclusivu de grandes ésitos. En cada conciertu Fito va convidar a distintos artistes y amigos a xubir al escenariu para compartir cantares.

Abriendo los conciertos vamos tener a Muchachito al más puru estilu hombre orquesta que, con seis pedales a los pies (bombu, caxes, platos, etc) y guitarres en mano, va inaugurar cada nueche col so repertoriu más funky-rock.

Tags: