FETEN va cuntar con 14 estrenes absolutes y 86 compañíes de 9 países

FETEN, la Feria Europea d’Artes Escéniques pa Neños y Neñes de Xixón, escoyó un total de 86 compañíes nacionales ya internacionales pa dar forma a la programación de la so 28 edición, que va desenvolvese na llocalidá asturiana del 17 al 22 de febreru. Más de 200 representaciones van asoceder mientres seis intenses xornaes en distintos escenarios de la ciudá (como’l Teatru Xovellanos, el CC Vieyu Institutu o’l Paséu de Begoña) nel marcu d’una cita de referencia qu’axunta cada añu una estensa representación del sector escénicu pa neños y neñes dientro y fuera de les fronteres estatales.

Hasta’l viniente día 25 de xineru va permanecer abierta la inscripción pa profesionales que deseen asistir a FETEN 2019, al traviés de la so páxina web feten.gijon.es. Amás, va haber trés propuestes de xuegos, cuatro instalaciones y una esposición De la caverna al cine: un viaje a través de los títeres, promovida por Títeres Etcétera, que resume trés décades de trabayu artísticu y técnicu de la compañía granadina.

Precisamente, Títeres Etcétera van ser los encargaos de pesllar la programación de FETEN 2019 con El sastrecillo valiente, a partir de la versión que del cuentu de los Hermanos Grimm realizó’l compositor húngaru-francés Tibor Harsányi. Esta obra pretende espublizar valores lliterarios y musicales, pero tamién dar a conocer esos oficios del mundu del teatru que resulten menos visibles pal públicu, como los rellacionaos col vestuariu. Pela so parte, la compañía madrilana Aracaladanza va inaugurar la feria col so espectáculu Play, una propuesta al rodiu la llibertá de xugar a cencielles pa esfrutar. Fantasía, creatividá, suañu y maxa son los ingredientes esenciales d’esti montaxe, robláu por una agrupación referente na creación d’espectáculos pa públicu familiar venceyaos a la danza.

Ente les propuestes programaes, inclúyense 14 estrenos absolutos, roblaos toos ellos por compañíes estatales. Asina, los asturianos Fantastique Company, Companya Pep Bou, dende Cataluña, y los manchegos Ultramarinos de Lucas van averar al públicu de FETEN los sos últimos trabayos de teatru xestual, titulaos, respectivamente, La pintora Flora, BLOOP! y A mi lado. La nómina d’estrenos de la cita xixonesa empresta atención tamién a la danza y el circu, con NNudos, El inolvidable viaje de Nana y YOLO (You Only Live Once), de Da.Te Danza, Café de las Artes y Cía Lucas Escobedo – Teatre Escalante, formaciones con sellu andaluz, cántabru y valencianu. Tamién dende Valencia, Nacho Diago va estrenar en FETEN 2019 el so nuevu espectáculu de maxa,El misterioso caso de Houdini y la habitación cerrada. Pol teatru d’actores apuesten La Machina Teatro (Cantabria) y Yarleku Teatro (Navarra), conOlivia y las plumas y La casa más pequeña. El trabayu actoral combinar colos títeres en Blancanieves, de los madrilanos Luna Teatro Danza, y NOA ¡Uy Uy Uy!!!, de la compañía vasca Panta Rhei. Completa la llista d’estrenos de FETEN nesta 28 edición el de Zapatos nuevos, montaxe de teatru d’oxetos al cargu de los valencianos Tian Gombau – L’home Dibuixat.

Delles de les compañíes participantes van llegar de fuera del territoriu estatal. Asina, la programación de FETEN 2019 va presentar espectáculos procedentes d’Alemaña / EEXX, Francia / Israel, Bélxica, Italia, Portugal, República Checa y Méxicu. Amás, la programación de la feria va cuntar con una coproducción ente Noruega y una compañía murciana. Coles mesmes, formaciones de delles Comunidaes Autónomes distintes van recalar en Xixón mientres la celebración de la cita. Asturies y Cataluña encabecen la presencia estatal en FETEN, siguíes d’Andalucía y Valencia. Van Tar presentes, amás, Madrid, País Vascu, Aragón, Cantabria, Castiella y Llión, Castiella – La Mancha, Galicia, Murcia, Canaries, Estremadura, La Rioxa y Navarra.

Los espectáculos que van conformar la programación de FETEN 2019 fueron escoyíos ente les 841 propuestes escéniques recibíes pola organización, procedentes de 27 países distintos. Asina, la cita batió récords d’ediciones precedentes. L’intercambiu y la cooperación ente distintos axentes del sector van marcar, un añu más, el desenvolvimientu de la feria, que va convertir de nuevu a Xixón n’escaparate pa compartir intereses, esperiencies y conocencies, y pa favorecer el venceyu directu ente programadores, distribuidores y ceadores. Pa, amás de representaciones, la programación va incluyir otra serie d’actividaes, como xuntes sectoriales o presentaciones de proyectos.

 

Selección compañíes 2019

Comunidá/País Compañía Espectáculu Estrenu
Andalucía A La Sombrita Teatro de sombras El Tesoro de Barracuda-Teatro de Sombras
Asturies ACAR Teatro del Mundo La Loka Historia de Frankenstein
Valencia Acrobàcia Mínima Seu-te!
Asturies Adrián Conde Espectáculos
Espacio Petite Caravane
Andalucía Anabel Veloso Compañía El árbol con alas
Andalucía Ángeles de trapo Error 404
Cataluña Anna Confetti Tri-Circus
Madrid Aracaladanza Play
Estremadura Asaco Producciones Custodios
Asturies Bailadera títeres La ratita presumida
Cantabria Café de las Artes El inolvidable viaje de Nana ESTRENU
Cataluña CAL Teatre Baila el bosque
Canaries Cambuyón Cambuyón
Asturies Carlos Alba Las abarcas desiertas
Cataluña Cía. Giramagic HAI, La pescadora de sueños
Madrid Cía. La Clá Pie Inquieto
Valencia Cía. Lucas Escobedo – Teatre Escalante YOLO (You Only Live Once) ESTRENU
Cataluña Cía. Minimons Un cuento de estar por casa
Galicia Cía. Sincronacidas
Ohlimpiadas
Cataluña Cía. Ytuquepintas Jojo
Italia Compagnia TPO La casa del panda
Cataluña Companyia de Comediants La Baldufa Mi Padre es un Ogro
Cataluña Compañia Pep Bou Bloop! ESTRENU
Andalucía Da.Te Danza
Nudos ESTRENU
Noruega/Murcia Eilertsen & Granados /Lamatracataca Far Away
La Rioxa El Patio Teatro
HUBO
Andalucía Faltan7 Express
Asturies Fantastique Company La pintora Flora ESTRENU
Cataluña Ferroluar Pescadería mecánica
Cataluña Festuc Teatre
Adiós Peter Pan
Cataluña GAAC Juegos en Cuadro
Cataluña Galiot Teatre Espacio Monta Títeres
País Vascu GANSO&Cía BABO ROYAL
Asturies Guayominí Producciones Las Brujas Corococó
Cataluña Guixot de 8 Garabato de Juego, la otra vida de las cosas
Asturias Higiénico Papel Teatro
Retales
Asturias Hipnótica Circo Teatro Caeirikús
País Vascu Hortzmuga teatroa Jule
Castiella y Llión Jean Philippe Kikolas Calor
Valencia JM Gestión Teatral Descubriendo la Isla del Tesoro
Asturies Kamante Teatro
El Tornasol
Cataluña Kolektiv Lapso Cirk OVVIO
Francia/Israel Kulu Orr Control Freak
Cantabria La Machina Teatro Olivia y las plumas ESTRENU
Valencia La Teta Calva El Tambor de Cora
Cataluña L’Animé Visual Theatre Aphonia: Ópera Gestuale en Clave de Ha!
Andalucía LaSaL Teatro LAR (La casa, el hogar) ESTRENU
Madrid Le Guignol Orthopedique Tutilimundi, Teatros en miniatura
Méxicu Los Cantores del confín Belisa, ¿dónde estás? (El misterio de las niñas desaparecidas)
Madrid Luna Teatro Danza
Blancanieves ESTRENU
Asturies Mar Rojo Teatro Emociones de Hojalata
Cataluña Marcel Gros
Encuentracuentos
Cataluña Mimaia Teatro
Pelo Loco
Valencia Nacho Diago
El misterioso caso de Houdini y la habitación cerrada ESTRENU
Murcia Nacho Vilar Producciones ODISEA´80
Valencia Panicmap Proyectos Escénicos Pequeño Big Blue
País Vascu Panta Rhei NOA ¡Uy Uy Uy !!! ESTRENU
Alemaña/EEXX Peter Shub Stand Up And Fall Down
Galicia Pistacatro Productora de Soños Outono
Andalucía Producciones Infantiles Miguel Pino Peneque El Sueño de los Títeres 60 Aniversario ESTRENU
Asturies Producciones Nun Tris La Sierva Patrona
Aragón Teatro Arbolé Leocadia y los ratones
Aragón Teatro Arbolé Títeres de Cachiporra
Castiella- La Mancha Teatro de Malta Cenicienta siglo XXI
Republica Checa Teatro de Pavel Smid Un cuento del viento
Asturies/País Vascu Teatro del Cuervo y Ados Teatroa Susurradores
País Vascu Teatro Gorakada El viaje de Ulises
Asturies Teatro Plus TWO (Dos)
Murcia Teatro Silfo La Luna en El Jardín
Asturies Territorio Violeta Clavileño e hijos
Bélxica The Primitives Three of a Kind
Valencia Tian Gombau- L’Home Dibuixat Zapatos nuevos ESTRENU
Andalucía Títeres Caracartón El secreto del hombre más fuerte del mundo
Andalucía Títeres Etcétera El Sastrecillo Valiente
Aragón Titiriteros de Binéfar Chorpatélicos
Cataluña Tombs Creatius Xics Del Xurrac
Castiella y Llión Tuba&Bones La máquina de los Vientos
Castiella-La Mancha Ultramarinos de Lucas A mi lado ESTRENU
Madrid Voilà Producciones y El Pavón Teatro Kamikaze Peregrinos
Andalucía Vol´e Temps DistanS
Portugal We Tum Tum Crassh Babies
Cataluña Xirriquiteula Teatre Laika
Valencia Yapadú Produccions Kailo
Navarra Yarleku Teatro La casa más pequeña ESTRENU
Cataluña Zero en Conducta Teatro Gestual y de Títeres
La Poubelle plus Belle
Asturies Ziz Zag Danza
formaS
Cataluña Zum-Zum Teatre Hippos

Tags: