La esposición inédita ‘Terra incógnita’, de Cristina Ferrández, n’Avilés

L'amuesa recueye disciplines que van dende'l videoarte al dibuxu pasando por lainstalación con materies naturales, para enfusase en terrenes desconocíos y ayenos a l'acción humana
La esposición inédita 'Terra incógnita', de Cristina Ferrández, n'Avilés
La esposición inédita ‘Terra incógnita’, de Cristina Ferrández, n’Avilés

El Centru Municipal d’Arte y Esposiciones d’Avilés inaugura esti miércoles, a les 19.30 hores, la esposición ‘Terra incógnita‘ de Cristina Ferrández. Ye un proyectu inéditu que se nutre de la xeografía, la esploración y la metafísica para averanos delles claves del nuesu tiempu. Va poder visitase hasta’l 7 de xunetu n’horariu de martes a domingu de 18 a 21 hores.

L’amuesa tien como filu conductor l’allugamientu ecolóxicu de l’artista. La colección busca al traviés de distintes obres y disciplines afayar un nuevu territoriu tan utópicu como necesariu. Videoarte, dibuxu, pintura, fotografía ya instalaciones con materies naturales conviven na sala p’amosar una ‘terra incógnita’ qu’oldea colos paisaxes que conocemos y habitamos abriendo espaciu para la reflexón.

L’amuesa busca al traviés de distintes obres y disciplines afayar un nuevu territoriu tan utópicu como necesariu

Con una escenografía envolvente, Cristina Ferrández harmoniza ética y estética partiendo de los sos pruyimientos de descubrimientu como sida para viaxar escontra lo cerbuno, más allá de les realidaes físiques y mensurables, y enfusase en territorios non expoliados nin mancillados. Terraformación, cartografía suxetiva, isles emerxentes, exoplanetas, radiación cósmico, evolución, multiversos, lo inmanente… son conceutos qu’apuerten na creación de metáfores visuales instalativas que nos arrastren a un viaxe a lo desconocío inda por afayar o inclusive por crear.

Esta pulsión xenera unes obres que, entá viniendo del contactu cola vastedad de la naturaleza, tescienden la nuesa realidá física treslladándonos a un paisaxe interior, a un territoriu ensin conquistar qu’inda subyace no más fondo del ser humanu: utopíes esistenciales onde la creación de daqué nuevu puede dase ensin un previu orde establecíu.

Cristina Ferrández Box

L’artista alicantina, nacida en 1974, trabaya nel área de creación artística como procesu críticu y reflexivu. Desenvuelve proyectos visuales que ponen en valor el territoriu al empar que plantega revisiones y cuestiones sobro la relación de los seres humanos col paisaxe y la so forma d’habitalo. Na última década la singular obra de Cristina Ferrández analizó territorios d’alcuentros y claves pa desvelar la fraxilidá del paisaxe dende un allugamientu ecolóxicu, na añoranza d’ideales qu’ella espresa con fotografíes, audiovisuales, dibuxos ya instalaciones. Tou ello combináu col usu de nueves tecnoloxíes y la collaboración con otres cañes de creación como la danza, la performance y la música, nos sos trabayos audiovisuales.

Tags: