El teatru vuelve al cementeriu de La Carriona con ‘Macbeth’

L'accesu va ser gratuitu hasta completar les 50 places disponibles, con inscripción previa nel Muséu de la Hestoria Urbana d'Avilés

0
29

El cementeriu de La Carriona va convertise una vegada más nun escenariu al aire llibre, dende’l que podrá esfrutase de Macbeth, de William Shakespeare. Va ser el sábadu 7 d’avientu, a les 19.30 hores, na redolada de la capiya del campusantu. La representación d’esta traxedia sobro’l poder y l’ambición, cuerre a cargu del grupu de teatru amateur de Cuéntame un cuadro, conformáu por actores d’edaes diverses, adolescentes y adultos, y dirixíu pola actriz Cris Puertas. Con ella ciérrase por anguaño’l ciclu d’obres teatrales que tuvieron el campusantu avilesín como escenariu.

La entrada va ser gratuita hasta completar l’aforu de 50 places, daes les llimitaciones d’espaciu del llugar. Y ye necesaria faer la reserva, por orde d’inscripción presencial, nel Muséu de la Hestoria Urbana d’Avilés, a partir de güei, xueves 28 de payares. L’horariu pa faelo ye de martes a vienres, de 10.30 a 13.30 y de 16.00 a 20.00 hores, y solo podrán retirase dos invitaciones per persona. Coles mesmes, va ellaborase xuna llista d’espera pa ocupar les places que queden llibres en casu de dalguna cancelación.

Coles mesmes, si les condiciones meteorolóxiques fueren adverses, va plantegase una fecha alternativa pa desenvolver la función.