El barriu d’El Llano vuélcase cola celebración del Samaín. Un añu más, l’asociación sociocultural La Serena moviliza a los vecinos de Xixón para festexar la Nueche d’Ánimes per tolo alto. Y failo con un ampliu programa d’actividaes que va entamar a mediudía del xueves 31 d’ochobre y que se va enllargar hasta la tarde del domingu 3 de payares con una xornada centrada nos más pequenos de la casa.

Nun va faltar de nada. El Samaín d’El Llano va empezar oficiosamente’l xueves con un ‘trucu o tratu’ infantil peles cais del barriu. Enantes, los más pequenos de la casa van poder participar nun taller nel que van deprender a pintase la cara con motivos terroríficos. Un pocu más tarde va empezar un pasacalles pel barriu que va terminar col concursu d’amarutes, minidisco y una chicolatada. Yá pela nueche, va celebrase la ceremonia ‘Nueche de les ánimes’. La orquesta Assia y Dj David Dee van poner el broche musical a la xornada.

La fiesta va siguir el vienres. Mientres la tarde va haber un espectáculu de maxa y minidisco pa los más pequenos. Los mayores va tener la oportunidá de demostrar les sos habilidaes culinaries con un concursu de tortielles. Pela nueche, va tener llugar una cena d’hermandá (vales a la vienta nel Café Duende, calle Pérez de Ayala, 46). Tekila y Dj David Dee amenizarán la velada hasta que’l cuerpu aguante.

Magüestu

El sábadu tamién va haber una comida popular. Tolos vecinos de Xixón que lo deseyen tán convidaos a averase’l sábadu a esfrutar d’una paella (vales a la venta nel Café Duende, cai Pérez de Ayala, 46). Una xornada na que tampoco va faltar la tradición. El barriu va sacar el farol y les castañes a la cai para celebrar el magüestu. Una auténtica fiesta para esfrutar toos xuntos de la sidra y les castañes. Y pela nueche, más música. La orquesta Pasiquín Show y el Dj David Dee van amenizar la verbena.

Les fiestes de Samaín, entamaes pola asociación sociocultural La Serena, van despidir del barriu d’El Llano con un campeonatu de tute y otru de parchís y precios especiales mientres tola xornada nes atracciones de la feria.

Equí tienes el programa completu:

Fiestes de Samaín en El Llano (Gijón)