in ,

El ‘Pianu del llagu’ torna a Asturies esti branu

El 'Pianu del llagu' llega a Asturies esti branu
El 'Pianu del llagu' llega a Asturies esti branu

El Pianu del llagu torna esti branu a Asturies. Esti espectáculu acuáticu que funde música y danza lleva seis años percorriendo’l territoriu francés con más de 500 representaciones y alredor de 100.000 espectadores. La so propuesta supón un momentu d’alcuentru y poesía sobro l’agua naquellos llugares escepcionales escoyíos pola so guapura y harmonía natural. La violinista, cantante y pianista Delphine Countant; el violonchelista Daniel Trutet; la pianista Violette Prevost y la baillarina Monica Cofiñu, componen esta singular tripulación que va compartir col públicu la maxa de danciar y toc6 Y ar nun marcu incomparable tantu pol so encantu como pola so singularidá.

Próximos conciertos n’agostu:

  • Los díes 6 y 7 nel Llagu Areneru d’El Cruceru en Tinéu
  • Los díes 8 y 9 nel Puertu Nuevu de Cuideiru
  • El sábadu 10 nel Parque de la Cebera de Llugones (conciertu gratuitu)
  • El domingu 11 na llaguna de les dunes de Verdicio de Gozón
  • Los díes 13 y 14 na sablera de San Antolín de Bedón en Llanes

El Pianu del Llagu va faer les delicies del públicu al atapecer, dende les 20:00 hasta les 21:15 hores, momentu nel cual va convidase a los músicos asistentes a xubir a bordu, enllargar la nueche y esfrutar de la esperiencia de tocar suspendíos na agua.

Escúchase música nel corazón de los árboles, metanes un ríu, debaxo d’un globu aerostáticu, nun carrusel…

Le Piano du Lac acaba col marcu del conciertu clásicu y constrúi preseos afechos al paisaxe y al xuegu al campu. Escúchase música nel corazón de los árboles, metanes un ríu, debaxo d’un globu aerostáticu, nun carrusel… Al camudar la forma de tocar, Le Pianu du Lac realiza alcuentros musicales en llugares inauditos y promueve un intercambiu humanu tan exóticu como poéticu. Un alcuentru musical nun escenariu ensin precedentes que produz imaxes inédites, soníos sorprendentes y una interacción personal basada na poesía. Le Piano du Lac propón un viaxe, una alzada sonora mala d’escaecer. Pon música nel corazón de la naturaleza y convida a esfrutar d’un soníu errante qu’escapa a les sos fronteres tradicionales.

Les entraes p’asistir al espectáculu d’El Pianu del Llagu pueden adquirise na so taquilla voluntaria por un preciu aconseyáu de 10 euros al traviés de la web o bien nel mesmu llugar del eventu media hora antes del entamu.

Murias celebra'l so tradicional mercáu

Murias celebra’l so tradicional mercáu

'Sabores de plaza en plaza' algama la so cuarta edición

‘Sabores de plaza en plaza’ algama la so cuarta edición