in

El Festival de La Cerveza cumple’l so primer cuartu de sieglu n’Avilés

El Festival de La Cerveza cumple'l so primer cuartu de sieglu n'Avilés
El Festival de La Cerveza cumple'l so primer cuartu de sieglu n'Avilés

Algamar los 25 años d’esistencia d’una actividá certifica que caló ente’l públicu, y el Festival de la Cerveza consiguiólo. Anguaño cumple’ll so primer cuartu de sieglu convertíu n’unu de los acontecimientos del branu n’Avilés, un eventu multitudinariu qu’atrai a miles de visitantes de toa Asturies, capaz d’ufiertar más referencies cerveceres que nengún otru de los que se celebren nel norte d’España y que va volver a la pista de La Esposición del xueves 8 al miércoles 14 d’agostu.

En La Esposición, al pie de la gran carpa central coles meses de la terraza cubierta y l’escenariu pa los grupos musicales, van asitiase los 28 puestos d’esta edición, 17 de bébora y 11 d’alimentación (ente los que va haber novedaes). Ellí, los visitantes van poder esfrutar tantu de variedaes de cerveza artesano asturiana, nacional y d’importación, como de les marques más conocíes, mientres lo acompañen de distintes ufiertes gastronómiques.

Los visitantes van poder esfrutar tantu de variedaes de cerveza artesano asturiana, nacional y d’importación

Per tercer añu consecutivu, va ponese a la vienta un vasu de cristal col que poder tastiar les cerveces nos puestos, y llevalo de siguío a casa. Nesta ocasión, con un diseñu que conmemora los 25 años del festival. El festival curia de manera especial al públicu familiar, con una zona especial pa la infancia, con distintos xuegos y atracciones.

De nuevu, les tardes y les nueches van cuntar cola animación de música en directu, con grupos y solistes locales en dos sesiones, a les 20.30 y a les 23 hores. Son los siguientes:

Xueves 8. Fran Juesas Acústico.
Vienres 9. La Movida.
Sábadu 10. The Veenfies.
Domingu 11. Franklin.
Llunes 12. Mbolados.
Martes 13. Mothaphunkers.
Miércoles 14. Rockvival.

El festival caltién el so compromisu cola campaña contra les agresiones a les muyeres ‘Por unes fiesta llibres d’agresiones sexistes’. De tala forma, va asitiase nel recintu un ‘Puntu Moráu’, dende’l que podrá llograse información y asesoramientu, amás de visibilizar y concenciar sobre les agresiones sexistes y el protocolu d’actuación en casu de que se produxera dalguna.

L’horariu d’apertura del Festival de la Cerveza va ser de les seis de la tarde a la una de la madrugada. El vienres y el sábadu la fiesta va enllargar hasta les 2.30 hores.

'Sabores de plaza en plaza' algama la so cuarta edición

‘Sabores de plaza en plaza’ algama la so cuarta edición

Scone, cerveces artesanes pa tolos gustos

Scone, cerveces artesanes pa tolos gustos