El Teatru Palacio Valdés vuelve estrenar una obra teatral para toa España, ¿Y si namoramos de Scarpia?, la nueva propuesta d’unu de los homes de teatru más importantes n’España nes últimes décades, Albert Boadella. Nesta ocasión al pie de Martina Cabanas, proponen una reflexón sobro’l momentu actual, irónica y satírtica, nun intensu duelu interpretativu ente dos sopranos de personalidaes opuestes. Podrá vese esti xueves, 31 d’ochobre, a partir de les 20.15 hores.

Sopranos y actrices, Carmen Solís ye María, una muyer qu’evita entrar en competencia colos homes. María rei-Joly ye Ana, con una personalidá totalmente opuesta, una muyer engarrada a los talantes femeninos tradicionales. Los dos coinciden el mesmu día nuna repasada del so repertoriu énte’l que foi’l maestru de dambes, interpretáu por Antoni Comas, un home cobarde y discreto.

Una reflexón sobro’l momentu actual, irónica y satírtica, nun intensu duelu interpretativu ente dos sopranos de personalidaes opuestes

Cuando Ana llega a l’audición, María atópase interpretando como Scarpia el Vissi d’arte de Tosca. El maestru analiza los aspeutos musicales ya interpretativos de la so actuación, y Ana intervien, nuna crítica a la resignación que María paez asumir énte’l tiranu. Llánzase xuna batalla na que’l públicu va poder esfrutar de les aries de delles de les óperes más conocíes, na poderosa y templada voz y actuación de dambes sopranos, mientres contraponen los sos puntos de vista.

Queden les últimes entraes disponibles, a precios d’ente 12 y 22 euros, en función de la zona del teatru. Pueden adquirise nes canales habituales, nes taquilles de la Casa Municipal de Cultura, del Centru Niemeyer, y nes del teatru la mesma tarde de la representación, dende dos hores antes.